افغانستان میں سیاسی مفاہمت پر مبنی نظام کی ضرورت ہے، پاکستانی سفیر

پاکستانی سفیر منصور احمد خان کا کہنا ہے کہ افغانستان میں سیاسی مفاہمت پر مبنی نظام کی ضرورت ہے۔

تفصیلات کے مطابق پاکستانی سفیر منصور احمد خان نے اپنے بیان میں کہا ہے کہ  پاکستان نے افغانستان سے غیر ملکیوں کے انخلاء میں مدد کی، انخلاء کا عمل تقریباً مکمل ہو چکا ہے اب ریلیف کے کام پر توجہ ہے۔

منصور احمد خان نے کہا ہے کہ امید ہے افغانستان میں جلد حکومت کی تشکیل ہو جائے گی، افغانستان میں سیاسی مفاہمت پر مبنی نظام کی ضرورت ہے۔

پاکستانی سفیر کا کہنا ہے کہ نئی افغان حکومت عالمی برادری سے تعمیری تعلقات قائم کرے، پاکستان کہتا رہا افغان زمین پاکستان کے خلاف استعمال نہ ہو، طالبان نے افغان سرزمین پاکستان کے خلاف استعمال نہ کرنے کی یقین دہانی کروائی، امید ہے افغان طالبان اپنی یقین دہانیوں پر عملدر آمد بھی کروائیں گے۔

منصور احمد خان نے کہا کہ افغانستان کیلئے ریلیف کا آغاز جلد شروع ہو جائے گا، افغانستان میں بینکاری نظام کی بحالی میں تعاون کریں گے۔

پاکستانی سفیر منصور احمد خان نے مزید کہا کہ افغانستان میں حکومت کی تشکیل افغان قیادت کا کام ہے، افغانستان میں سیاسی مفاہمت پربمنی نظام دیرپا ہوگا، افغان عوام کیلئے ویزہ میں مزید آسانیاں پیدا کررہے ہیں۔

The post افغانستان میں سیاسی مفاہمت پر مبنی نظام کی ضرورت ہے، پاکستانی سفیر appeared first on .