ایپل کی جدید اسمارٹ واچ نئے فیچرز کیساتھ متعارف

امریکی ٹیکنالوجی کمپنی ایپل نے جدید اسمارٹ واچ آئی سیون نئے فیچرز کیساتھ متعارف کروا دی ہے۔

بین الاقوامی ذرائع ابلاغ کے مطابق ایپل نے اپنی نئی اسمارٹ واچ میں صحت اور تندرستی کے حوالے سے حیرت انگیز فیچرز شامل کردئیے ہیں، جن کی مدد سے گھڑی بلڈ پریشر کے ساتھ ساتھ صارف کے جسم کا درجہ حرارت بھی بتائے گی۔

اس نئی اسمارٹ واچ آئی سیون میں ایسا منفرد فیچر شامل کیا گیا ہے جو صارف کی فزیکل فٹنس کا بھی خیال رکھتا ہے۔

ایپل کی یہ نئی اسمارٹ واچ دل کی دھڑکن میں بے قاعدگی کی صورت میں الارم بجائے گی اور صارف کے ڈاکٹر کو ای میل پیغام کے ذریعے آگاہ کرے گی۔

صرف یہی نہیں بلکہ  آئی واچ سیون نیند کا دورانیہ بھی جانچ کر آپ کو بستر پرجانے کا وقت بتائے گی۔

نئی اسمارٹ واچ میں خون میں آکسیجن سطح اور شوگر کی مقدار ناپنے کی صلاحیت بھی ہوگی جو کمی کی صورت میں صارف کو آگاہ کرے گی۔

ماہرین کا کہنا ہے کہ آئی واچ سیون دنیا کے 436 ملین شوگر کے مریضوں کےلیے اُمید کی نئی کرن ثابت ہوسکتی ہے۔

The post ایپل کی جدید اسمارٹ واچ نئے فیچرز کیساتھ متعارف appeared first on .