سید علی شاہ گیلانی ایک محبِ وطن کشمیری تھے، یوسف رضا گیلانی

سابق وزیر اعظم و قائد حزب اختلاف سینیٹ سید یوسف رضا گیلانی نے کہا ہے کہ سید علی شاہ گیلانی ایک محبِ وطن کشمیری تھے۔

تفصیلات کے مطابق سابق وزیر اعظم و قائد حزب اختلاف سینیٹ سید یوسف رضا گیلانی نے حریت رہنما سید علی شاہ گیلانی کی وفات پر تعزیت کا اظہار کرتے ہوئے کہا کہ سید علی گیلانی کی وفات پر دلی افسوس اور دکھ ہے۔

انہوں نے کہا کہ حریت رہنما سید علی شاہ گیلانی نے پوری زندگی کشمیر میں رہ کر پاکستانی کا مقدمہ لڑا، بھارتی مظالم کے خلاف ان کی ہمت اور بہادری کشمیر کی آزادی کی جنگ میں ہمیشہ حوصلہ افزائی کا کام کرے گی۔

یوسف رضا گیلانی کا کہنا ہے کہ اللہ تعالیٰ ان کو جنت میں اعلیٰ درجات سے نوازے اوران کی جدوجہد کا مقصد جلد پورا ہو۔

سابق وزیر اعظم و قائد حزب اختلاف سینیٹ سید یوسف رضا گیلانی نے مزید کہا کہ سید علی گیلانی کو انڈیا کا جبر اور زیادتی نہ جھکا سکا  اور نہ ہی اپنے مؤقف سے ہٹا سکا۔

The post سید علی شاہ گیلانی ایک محبِ وطن کشمیری تھے، یوسف رضا گیلانی appeared first on .