ہمایوں سعید اور اہلیہ ثمینہ ہمایوں کورونا وائرس کا شکار ہوگئے؟

پاکستان شوبز انڈسٹری کے اداکار ہمایوں سعید اور ان کی اہلیہ، پروڈیوسر ثمینہ ہمایوں سعید کی جوڑی کورونا وائرس کا شکار ہوگئی ہے؟

تفصیلات کے مطابق سوشل میڈیا پیجز پر ہمایوں سعید اور ان کی اہلیہ کے بارے میں یہ کہا جا رہا ہے کہ کچھ دنوں قبل دونوں میاں بیوی کورونا وائرس کا شکار ہوئے ہیں اور ان دونو ں میں وائرس کی معمولی علامات ظاہر ہوئی ہیں۔

ہمایوں سعید کے مداح اداکار اور ان کی اہلیہ دونوں کی جلد صحتیابی کے لیے دعاگو ہیں اور دونوں کی جلد ہی دوبارہ سیٹ پر واپسی کے لیے پر امید ہیں۔

دوسری جانب ان دِنوں ہمایوں سعید اور ان کی اہلیہ ثمینہ بطور پروڈیوسرز اپنے نئے آنے والے پروجیکٹ ’صنفِ آہن‘ کی شوٹنگ میں مصروف ہیں۔

واضح ہے کہ پاک فوج کے شعبہ تعلقات عامہ ( آئی ایس پی آر ) کے تعاون سے بننے والے پروجیکٹ ’صنفِ آہن ‘ کو ہمایوں کا سِکس سِگما پلس اور اہلیہ ثمینہ ہمایوں کا نیکسٹ لیول انٹرٹینمنٹ، یہ دونوں پروڈکشن ہاؤس مل کر بنا رہے ہیں جو کہ ریلیز سے پہلے ہی لوگوں کی توجہ کا مرکز بنا ہوا ہے اور مداح اسے دیکھنے کے لیے بے تاب ہیں۔

The post ہمایوں سعید اور اہلیہ ثمینہ ہمایوں کورونا وائرس کا شکار ہوگئے؟ appeared first on .