پاکستان سول ایوی ایشن اتھارٹی نے ہما کلب کو ایک سخت مقابلے سے ہرا دیا

پاکستان فٹ بال فیڈریشن کے زیراہتمام جاری 13 ویں پریمیئر فٹ بال لیگ میں پاکستان سول ایوی ایشن اتھارٹی نے ہما کلب کو ایک سخت مقابلے کے بعد ہرا دیا ہے۔

تفصیلات کے مطابق قاسم باغ فٹ بال اسٹیڈیم ملتان میں جاری لیگ میں پاکستان سول ایوی ایشن اتھارٹی نے ہما کلب کو 2-1 گول سے ہرا دیا جبکہ پاکستان ایئر فورس اور لائل پور کی ٹیموں کے درمیان میچ 1-1 گول سے برابر رہا۔

ذرائع کا کہنا ہے کہ قاسم باغ فٹ بال اسٹیڈیم ملتان میں جاری لیگ کے ایک میچ میں وقفے تک پاکستان سول ایوی ایشن اتھارٹی کو ہما کلب کے خلاف 1-0 گول کی برتری حاصل تھی، دوسرے ہاف میں پاکستان سول ایوی ایشن اتھارٹی نے مزید ایک گول کر کے مقابلہ 2-1 گول سے جیت لیا۔

ذرائع کا کہنا تھا کہ پہلے ہاف کے انجری وقت میں سول ایوی ایشن کے سہیل نے گول کر کے اپنی ٹیم کو برتری دلائی جس کو 74 ویں منٹ میں ہما کلب کے وسیم اللہ نے گول کر کے مقابلہ 1-1 کر دیا۔

ذرائع کے مطابق میچ ختم ہونے سے چند منٹ قبل انجری وقت میں پاکستان سول ایوی ایشن اتھارٹی کے محمد نعیم نے گول کر کے اپنی ٹیم کو 2-1 گول سے برتری دلا دی جو مقررہ وقت تک جاری رہا۔

ذرائع کا کہنا تھا کہ دوسرا میچ پاکستان ایئر فورس اور لائل پور کی ٹیموں کے درمیان 1-1 گول سے برابر رہا۔

ذرائع نے کہا کہ وقفے تک دونوں ٹیمیں گول کرنے میں ناکام رہیں۔

ذرائع کا مزید کہنا تھا کہ کھیل کے 62 ویں منٹ میں لائل پور کلب کی جانب سے محمد سفیان نے گول کر کے اپنی ٹیم کو برتری دلائی۔

The post پاکستان سول ایوی ایشن اتھارٹی نے ہما کلب کو ایک سخت مقابلے سے ہرا دیا appeared first on .