ہارٹ اٹیک سے بچنا چاہتے ہیں تو یہ احتیاط آج سے ہی شروع کر دیں

روزانہ کی بنیاد پرغذا میں عام احتیاط کے ذریعے جان لیوا امراض قلب سے بچا جا سکتا ہے۔

آسٹریلیا میں ہونے والی ایک طبی تحقیق سے یہ بات سامنے آ ئی ہے کہ نائٹریٹ سے بھرپور سبزیوں کی کچھ مقدار کا روزانہ استعمال امراض قلب کا خطرہ نمایاں حد تک کم کرسکتا ہے۔

رپورٹ کے مطابق دل کی شریانوں سے جڑے امراض دنیا بھر میں اموات کی سب سے بڑی وجہ ہیں۔

آسٹریلیا کی یڈتھ کووان یونیورسٹی میں کی جانے والی اس تحقیق میں دیکھا گیا کہ جو لوگ نائٹریٹ سے بھرپور سبزیوں جیسے سبز پتوں والی سبزیوں اور چقندر کی زیادہ مقدار غذا کا حصہ بناتے ہیں، امراض قلب سے بچنے کے ساتھ ساتھ ان کا بلڈ پریشر بھی کسی حد تک کم ہوتا ہے۔

تحقیق کے نتائج سے ثابت ہوا کہ روزانہ ایک کپ نائٹریٹ سے بھرپور سبزیوں کو کھانے سے لوگ دل کی شریانوں کے امراض کا خطرہ نمایاں حد تک کم کرسکتے ہیں۔

ماہرین کا کہنا ہےکہ ایک کپ سے زیادہ مقدار سے کوئی اضافی فائدہ نہیں ہوتا جبکہ نائٹریٹ سپلیمنٹس بھی اس حوالے سے سبزیوں جتنے مفید نہیں۔

غذا میں الٹرا پراسیس غذاؤں کا استعمال امراض قلب کا خطرہ بہت زیادہ بڑھا دیتا ہے۔

الٹرا پراسیس غذاؤں کی اصطلاح متعدد مصنوعات کے لیے استعمال ہوتی ہے جیسے ڈبل روٹی، فاسٹ فوڈز، مٹھائیاں، ٹافیاں، کیک، بریک فاسٹ سیرلز، چکن نگٹس، انسٹنٹ نوڈلز، میٹھے مشروبات اور سوڈا وغیرہ۔

The post ہارٹ اٹیک سے بچنا چاہتے ہیں تو یہ احتیاط آج سے ہی شروع کر دیں appeared first on .