خوفناک چھپکلی نے اہل خانہ کو گھر میں محصور کردیا، تصاویر وائرل

ملائیشیا میں دیو قامت چھپکلی کی حیرت انگیز تصویر نے سوشل میڈیا صارفین کو خوفزدہ کردیا، دو سال پرانی تصویر ایک بار پھر لوگوں کی توجہ کا مرکز بن گئی۔

آج سے دوسال قبل 2019 میں ملائیشیا کے باشندے لانگ چیرنگ لی نامی ایک شخص نے بڑے سائز کی ایک چھپکلی کی ایک تصویر شیئر کی تھی جسے منی گوڈزیلا بھی کہا جاتا ہے۔

غیر ملکی خبر رساں ادارے کی رپورٹ کے مطابق تصویر میں دیکھا جاسکتا ہے کہ گھر کے مرکزی آہنی دورازے پر ایک خوفناک چھپکلی چڑھی ہوئی ہے، جس کا سائز تقریباً 8 سے دس فٹ تک ہے۔

اس خوفناک چھپکلی کی تصویر کو دیکھ کر صارفین نے اسے مختلف سائٹس پر شیئر بھی کیا اور دلچسپ انداز میں اس پر اپنے خیالات کا اظہار بھی کیا۔

چھپکلی کی تصویر کئی سوشل میڈیا پلیٹ فارمز پر وائرل ہوگئی ہے اگر یہ کہا جائے کہ اس تصویر نے انٹرنیٹ پر دھوم مچا دی تو غلط نہیں ہوگا۔

ایک صارف نے لکھا کہ ایسا لگ رہا ہے یہ چھپکلی گھر کے دروازے پر لٹک کر کہہ رہی ہے کہ آنٹی تھوڑی چینی دینا ہمارے گھر میں چینی ختم ہوگئی ہے۔

ایک صارف نے مزاحیہ انداز میں کہا کہ جب ہاسٹل میں داخلے کا آخری وقت ابھی 10 بجے ہے اور آپ 10بج کر 5 منٹ پر پہنچتے ہیں تو ایسا ہی ہوتا ہے۔

ایک اور صارف نے بچپن میں گلی میں کھیلی جانے والے کرکٹ کی منظر کشی کرتے ہوئے کہا کہ جہاں گیند پڑوسی کے گھر میں اترتی ہے اور اسے مانگنے کے لئے جانا پڑتا تھا کہ آنٹی بال دے دیں اب نہیں آئے گی۔

The post خوفناک چھپکلی نے اہل خانہ کو گھر میں محصور کردیا، تصاویر وائرل appeared first on .