پاکستان  کرکٹ ٹیم  کے سابق کپتان محمد حفیظ ایئر پورٹ پر پھنس گئے

پاکستان  کرکٹ ٹیم  کے سابق کپتان محمد حفیظ لندن کے ہیتھرو ایئر پورٹ پر پھنس گئے۔

تفصیلات کے مطابق آل راؤنڈر محمد حفیظ کیریبین پریمیئر لیگ (سی پی ایل)  میں شرکت کیلئے لاہور سے براستہ لندن ویسٹ انڈیز جارہے تھے  مگر ہیتھرو ائیرپورٹ پر ان کی فلائٹ کا شیڈول متاثر ہونے کی وجہ سے کنیکٹنگ فلائٹس منسوخ ہوگئیں جس کی وجہ سے وہ ایئر پورٹ پر ہی پھنس گئے۔

سابق کپتان  محمد حفیظ نے سماجی رابطے کی ویبسائٹ ٹویٹر پر اپنے ایک ٹویٹ میں لکھا کہ وہ ورجن اٹلانٹک ائیر لائن  کی طرف سے فلائٹ شیڈول اور منیجمنٹ کے بدترین تجربے کا سامنا  کررہے ہیں۔انہوں نے مزید لکھا کہ’ یہاں ہیتھرو ائیرپورٹ  میں زبردستی رات گزارنے کے لیے ہوٹل کا کوئی انتظام نہیں جبکہ رات 9 بجے کے بعد لاؤنج کی سہولت  بھی موجود  نہیں  ہے۔

Facing worst experience of flight schedules & management from @VirginAtlantic . Cancellations & delayed flights from LHE resulting in missing connecting flights. No hotel arrangements for forced overnight stay here at @HeathrowAirport .No lounge facilities after 9pm@UK_CAA pic.twitter.com/CrYYqAY5HK

— Mohammad Hafeez (@MHafeez22) August 20, 2021

 یاد رہے کہ 26 اگست سے شروع ہونے والی سی پی ایل 2021 میں پاکستان کے 9 کھلاڑی ایکشن میں ہوں گے جبکہ محمد حفیظ گیانا ایمازون وارئیرز کی جانب سے  کھیلیں گے۔

واضح رہے کہ رواں برس کیربیئن پریمیئرلیگ میں 9 پاکستانی کھلاڑی ایکشن میں ہوں گے۔

The post پاکستان  کرکٹ ٹیم  کے سابق کپتان محمد حفیظ ایئر پورٹ پر پھنس گئے appeared first on .