سلمان خان اور شاہ رخ خان میرا چھوٹے بھائیوں کی طرح خیال رکھتے تھے، شعیب اختر

عالمی شہرت یافتہ فاسٹ بولر اور پاکستان کرکٹ ٹیم کے سابق اسٹار شعیب اختر نے سلمان خان اور شاہ رخ خان کی تعریفوں کے پل باندھ دیے۔

تفصیلات کے مطابق پاکستان کرکٹ ٹیم کے سابق اسٹار شعیب اخترنے کہا ہے کہ وہ پانچ برس قبل تک جب بھارت جاتے تھے تو بالی ووڈ سپر اسٹارز سلمان خان اور شاہ رخ خان انکا چھوٹے بھائیوں کی طرح خیال رکھتے تھے۔

انہوں نے کہا کہ بھارت میں کرکٹ کے حوالے سے انہوں نے لوگوں کے ساتھ بہت اچھا وقت گزارا ہے۔

انہوں نے اس موقع پر جن افراد کا خصوصی طور پر تذکرہ کیا ان میں بالی ووڈ سپر اسٹار سلمان خان اور بالی ووڈ کے کنگ خان، شاہ رخ خان شامل ہیں۔

شعیب اختر نے ان دونوں اسٹارز کے ساتھ  بیتے اپنے یادگار تجربات کا ذکر کیا۔

انہوں کہا کہ دونوں میرے ساتھ ہمیشہ چھوٹے بھائیوں کی طرح پیش آتے تھے۔

شعیب اختر کا کہنا تھا کہ انہیں ممبئی میں لوگوں سے ملنا اچھا لگا، سلمان خان اور شاہ رخ خان کے خاندانوں اور انکے حلقہ احباب میں، جب بھی میرا جانا ہوا تو انہوں نے ہمیشہ میری قدر افزائی اور حفاظت کی۔

انہوں نے بتایا کہ بد قسمتی سے پانچ برس ہوگئے میں بھارت نہیں جاسکا، ایک وقت تھا جب وہاں موجود لوگ مجھ سے یہ کہنے لگے تھے کہ میں وہاں اپنا آدھار اور راشن کارڈ بنوالوں کیونکہ میں وہاں کافی کام کررہا تھا۔

The post سلمان خان اور شاہ رخ خان میرا چھوٹے بھائیوں کی طرح خیال رکھتے تھے، شعیب اختر appeared first on .