فیروز خان کا افغانستان کی صورتحال پر ردِعمل

پاکستان شوبز انڈسٹری کے اداکار فیروز خان نے افغانستان میں طالبان کی فتح کے بعد سامنے آنے والی صورتحال پر اپنا ردِ عمل دے دیا۔

اداکار فیروز خان نے اپنی انسٹا اسٹوری پر ایک ٹوئٹ شیئر کیا ہے جو کہ طالبان کے سامنے اپنے حقوق کے لیے احتجاج کرتی خواتین کی ایک وائرل ویڈیو کے بارے میں ہے۔

فیروز خان بتایا کہ یہ چار خواتین طالبان کے کابل پر قبضے کے خلاف احتجاج کررہی تھیں۔

اداکار نے بتایا کہ انہیں نہ تو مارا، نہ قتل کیا، نہ ہی ان کے ساتھ زیادتی کی گئی اور نہ ہی انہیں یرغمال بنایا گیا بلکہ ان کی حفاظت کی گئی اور طالبان کی جانب سے انہیں احتجاج جاری رکھنے دیا گیا۔‘

اس کے عالوہ اداکار نے ایک اور انسٹااسٹوری میں فیروز نے برقعہ پہنے ہوئے افغان خواتین کی ایک تصویر شیئر کرتے ہوئے لکھا کہ کابل سے ملنے والی تازہ ترین اطلاعات یہ ہیں کہ خواتین پڑھنے کے لیے دوبارہ اسکول اور یونیورسٹیز میں جاسکتی ہیں۔

فیروز خان نے مزید لکھا کہ افغان خواتین کو مناسب لباس اور حجاب لازمی پہننا ہے، برقعہ پہننا ضروری نہیں ہے۔

اداکار فیروز خان افغان طالبان کی جانب سے خواتین کے بارے میں ملنے والی اطلاعات سن کر مطمئن اور افغانستان میں خواتین کے اچھے مستقبل کے لیے پر امید نظر آ رہے ہیں۔

The post فیروز خان کا افغانستان کی صورتحال پر ردِعمل appeared first on .