عجیب و غریب عمارت جس کی اینٹیں ہوا میں تیرتی ہیں

بھارتی ریاست گجرات کے شہر سورت میں ایک عجیب و غریب طور پر تعمیر شدہ عمارت کو بین الاقوامی اعزاز کے لئے نامزد کردیا گیا۔

غیر ملکی خبر رساں ادارے کے مطابق سورت میں قائم یہ عمارت اس طرح تعمیر کی گئی ہے جسے دیکھنے پر لگتا ہے کہ اس میں لگی اینٹیں ہوا میں تیر رہی ہیں۔

اس عمارت کو ایک مقامی آرکیٹکٹ اشیش پٹیل نے تعمیر کیا ہے۔

عمارت کی تعمیر میں اینٹوں کو ایک دوسرے کے اوپر رکھنے کے بجائے 2 سے 3 انچ کے فاصلے پر رکھا گیا ہے۔

دیکھنے میں یوں لگتا ہے کہ یہ عمارت ابھی گر پڑے گی لیکن اسے نہایت مضبوطی سے تعمیر کیا گیا ہے۔

اب اس عمارت کو انگلینڈ کی برکس ڈویلپمنٹ ایسوسی ایشن کے ایوارڈ کے لئے نامزد کیا گیا ہے، یہ ایوارڈ ان تعمیرات کو دیا جاتا ہے جن میں جدت پیدا کی گئی ہو۔

مذکورہ عمارت کی نامزدگی بھارت سے ہونے والی واحد نامزدگی ہے۔

سرخ اینٹوں سے تعمیر یہ عمارت نہ صرف مقامی افراد کی پسندیدہ ہے بلکہ ایوارڈ ملنے کے بعد اب اسے عالمی شہرت حاصل ہوجائے گی۔

The post عجیب و غریب عمارت جس کی اینٹیں ہوا میں تیرتی ہیں appeared first on .