چینی اداکار کو دیوار چین پر رقص کرنا مشکل پڑ گیا

چینی اداکار ین شیاؤتیان کو دیوارِ چین پر رقص کرتے ہوئے  ویڈیو بنانا مہنگا پڑ گیا۔

سوشل مڈیا پر اداکار کے رقص کی ویڈیو وائرل ہونے کے بعد صارفین کی جانب سے  شدید تنقید کا سامنا کرنا پڑ رہا ہے۔

 ین شیاؤتیان جنہوں نے متعدد ٹیلی ویژن شوز میں کام کیا ہے، فوراً ہی  اپنے اس نامناسب رویے پر معذرت کرلی۔

اداکار کو اس سے قبل بھی ایک ویڈیو میں رقص کرتا دیکھا جاسکتا ہے۔

omg yin xiaotian and xia zhiguang dance collab in gangshika mountain!
HAHAHAHAHA they're so cuteee!

yin xiaotian's caption was:
"dancing with the son" #夏之光 pic.twitter.com/J5jq9NcsLO

— 梅 (@oceansunr1se) July 26, 2021

مقامی حکام کے مطابق  ین شیاؤتیان ایک کیمرہ مین سمیت چار افراد کی ٹیم کے ساتھ ایک میوزک ویڈیو کی شوٹنگ کے لئے دیوارِ  چین گئے تھے۔

 فوٹیج میں دیکھا گیا کہ اداکار دیوارِ چین کے ایک حصے پر کھڑے چار لوگوں کے ساتھ رقص کر رہے ہیں۔

حکام کا کہنا ہے کہ اداکار ایک سیاح کے طور پر دیوارِچین کے مقام پر گئے جبکہ ان کی جانب سے میوزک ویڈیو شوٹ کرنے کے حوالے سے وہاں موجود حکام کو کچھ نہیں بتایا گیا تھا۔

رقص کی ویڈیو  مختلف سوشل میڈیا پلیٹ فارمز پر وائرل ہوگئی جس کے بعد  ثقافتی ورثے کی بے عزتی کرنے پر  صارفین میں شدید غم و غصہ پیدا ہوگیا۔

ایک صارف نے لکھا کہ اداکار کو اس عظیم دیوارکا کوئی احترام نہیں، دوسرے صارف نے لکھا کہ یہاں تک کہ ایک چھوٹا بچہ بھی جانتا ہے کہ  قدیم ورثے کا احترام کرنا چاہئیے  لیکن  ین شیاؤتیان کو اس کا کوئی خیال نہیں۔

صارفین کی جانب سے تنقید کے بعد اداکار نے نے سوشل میڈیا پر  اپنے 6.7 ملین فالوورز سے معافی مانگتے ہوئے کہا کہ ان کے اس عمل  نے عوام کے لئے ایک غلط مثال قائم کی جس پر وہ معذرت خواہ ہیں۔

The post چینی اداکار کو دیوار چین پر رقص کرنا مشکل پڑ گیا appeared first on .