دس سالہ بچے نے دسویں جماعت کا امتحان پاس کرلیا

بھارتی ریاست اترپردیش میں 10 سالہ بچے نے دسویں جماعت کا امتحان پاس کرکے سب کو حیران کردیا۔

بھارتی میڈیا کے مطابق اترپردیش کے شہر لکھنؤ میں ایک انوکھے واقعے میں سکینڈری بورڈ نے 10 سالہ بچے کو دسویں جماعت کے امتحان میں بیٹھنے کی خصوصی اجازت دی تھی۔

طالب علم ادتیہ کرشنا نے بھی اپنے اساتذہ کو مایوس نہیں کیا اور دسویں کے امتحان میں 79 فیصد نمبر حاصل کرکے بورڈ کا فیصلہ درست ثابت کردیا۔

بھارت میں دسویں جماعت میں شرکت کے لئے عمر 14 سال سے کم نہیں ہونا چاہئیے تاہم تعلیمی بورڈز کو باصلاحیت اور ذہین بچوں کے لئے عمر کی حد میں کمی کرنے کا اختیار ہے۔

اس سے قبل ایک پانچ سالہ طالبہ کو بھی نویں جماعت کے لئے انرول کیا گیا تھا، اس بچی نے 2007 میں میٹرک پاس کیا تھا جو یہ امتحان پاس کرنے والی اب تک کی سب سے کم عمر طالب علم ہے۔

The post دس سالہ بچے نے دسویں جماعت کا امتحان پاس کرلیا appeared first on .