چترال (زیل نمائندہ )برفانی چیتے اور اس کے ماحولیاتی نظام کے تحفظ کے سلسلے میں سنو لیپرڈ فاؤڈیشن (SLF)چترال کے زیر انتظام میڈیا کے کردار کے موضوع پر ایک روزہ ورکشاپ کا انعقاد کیا گیا۔ اس ورکشاپ میں چترال کےپرنٹ اور الیکٹرانک میڈیا کے صحافیوں نے شرکت کی۔ صحافیوں سے گفتگو کرتے ہوئے کنزرویشن کے شعبے کامعروف نام عاشق احمد نے کہا کہ برفانی چیتا دنیا میں پائے جانے والا نایاجانور ہے۔برفانی چیتے اور اس کے ماحولیاتی نظام کا تحفظ ہماری مشترکہ ذمہ داری ہے۔ انہوں نے مزید کہا کہ برفانی چیتے کی نگہداشت، اس کا تحفظ اور ہمارے ماحول کے لیے اس کی افادیت نہایت اہم ہے۔ یہ جانور پاکستان سمیت دنیا کے بارہ ممالک میں پایا جاتا ہے ۔انہوں نے کہا کہ چترال گول نیشنل پارک کی بین الاقوامی سطح پر اہمیت ہے جہاں قومی درخت دیار، قومی پرندہ چکور، قومی جانور مارخور اور قومی پھول چنبیلی موجود ہے۔ یہاں ہر قسم اور نسل کے پرندے پائے جاتے ہیں جو ہمارے ماحول کی خوبصورتی کے باعث بنتے ہیں ۔ عاشق احمد نے مزید کہا کہ کئی سال پہلے میں نے چترال کے 90 سکولوں میں نیچرل کلب کھولے تھے جہاں بچوں کوجنگلی حیات کے بارے میں معلومات اور ان کی اہمیت کے بارے میں بتایا جاتا تھا۔ انہوں نے کہا کہ اگر ہم اپنے ذاتی ملکیت میں موجود درختوں پر ایک بورڈ لگادے کہ اس درخت پر بیٹھنے والے پرندے کا کوئی بھی شکار نہیں کرسکتا تو ہم قدرتی ماحول کی خوبصورتی میں ان پرندوں کے بڑھوتری کے زریعے اضافہ کرسکتے ہیں۔ انہو ں نے کہا کہ برفانی چیتا زیادہ تر جنگلاتی علاقوں میں رہتا ہے اور جنگلی جانور کھاتے ہیں مگر جب جنگلی جانور کو ختم کرکے ان کے لیے کچھ نہیں بچتا تو وہ مجبوراً انسانی آبادی میں اتر کر ہماری پالے ہوئے بھیڑ بکریوں کو کھاجاتا ہے۔ میڈیا کے حوالے سے انہوں نے کہا کہ ہمارے بعض میڈیا کے بھائی مختلف خبروں بارے نہایت سنسنی پھیلاتے ہیں جو کسی بھی صورت میڈیا کے اقدارکےزمرے میں نہیں آتے ہیں۔قبل ازیں (Snow Leopard and Ecosystem Protection Program ) کے نیشنل پروگرام منیجرجعفرنے پروگرام کے بارے میں تفصیل سے گفتگو کی۔ اس موقع پر مقامی صحافیوں نے پروگرام کے بارءے میں اپنی سفارشات بھی پیش کیں۔ آخر میں SLF چترال کے رینجنل پروگرام منیجر شفیق اللہ خان نے شرکاء کا شکریہ اداکیا۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023