آصف علی ایک شاندار میچ فینیشر ہیں،بابر اعظم کا مسلسل تیسری جیت پر خوشی کا اظہار

آصف علی ایک شاندار میچ فینیشر ہیں،بابر اعظم کا مسلسل تیسری جیت پر خوشی کا اظہار

قومی کرکٹ ٹیم کے کپتان بابر اعظم نے پاکستان اور افغانستان کے درمیان کھیلے جانے والے ٹی ٹوئنٹی ورلڈ کپ میں مسلسل تیسری کامیابی پر خوشی کااظہار کرتے ہوئے بلے باز آصف علی کے شاندار چھکوں پر اْنہیں شاندار میچ فینیشر قرار دے دیا۔

تفصیلات کے مطابق قومی کرکٹ ٹیم کے کپتان بابر اعظم  نے  سماجی رابطے کی ویبسائٹ ٹویٹر پر گزشتہ میچ کے چند مناظر کی تصاویر شیئر کیں اور ساتھ ہی ٹی ٹوئنٹی ورلڈ کپ کے تینوں میچ جیتنے پر اللہ  تعالیٰ کا شْکر بھی ادا کیا۔

Alhumdulillah, 3/3!

Afghanistan fought well. A brilliant display of bowling from our team, especially Shaheen Shah Afridi and Imad. Fakhar was just remarkable and the awesome finish from Asif Ali was indeed the cherry on top. All eyes set on the next one! #WhyNotMeriJaan pic.twitter.com/u13FKuAKxP

— Babar Azam (@babarazam258) October 29, 2021

بابر اعظم نے اپنے ٹوئٹ میں لکھا کہ افغانستان نے خوب مقابلہ کیا جبکہ ہماری ٹیم بالخصوص شاہین شاہ آفریدی اور عماد کی جانب سے باؤلنگ کا شاندار مظاہرہ کیا گیا۔

اْنہوں نے لکھا کہ فخر زمان نے بھی قابلِ تعریف اننگز کھیلی جبکہ آصف علی کی جانب سے میچ کا شاندار اختتام واقعی قابل تعریف ہے۔

قومی کرکٹ ٹیم کے کپتان  بابر اعظم نے  مزید کہا کہ سب کی نظریں اگلے میچ پر جمی ہوئی ہیں۔

The post آصف علی ایک شاندار میچ فینیشر ہیں،بابر اعظم کا مسلسل تیسری جیت پر خوشی کا اظہار appeared first on .