وزیر اعظم عمران خان نے افغانستان کے خلاف جیت پر قومی کرکٹ ٹیم کو مبارک باد پیش کی ہے۔
تفصیلات کے مطابق وزیر اعظم عمران خا ن نے سماجی رابطے کی ویبسائٹ ٹویٹر پر جاری بیان میں کہا کہ افغان ٹیم کی جانب سے متاثر کن کھیل پیش کیا گیا ہے۔
بہت مبارک ٹیم پاکستان! افغان ٹیم کی جانب سے متاثر کن کھیل پیش کیا گیا۔ میں نے کسی ٹیم کو اتنی تیزی سے عالمی کرکٹ میں اپنی جگہ بناتے اور مقابلے کی غیرمعمولی قابلیت حاصل کرتے نہیں دیکھا۔ مقابلے کی اس سکت اور استعداد کے باعث افغانستان میں کرکٹ کا مستقبل روشن ہے۔
— Imran Khan (@ImranKhanPTI) October 29, 2021
وزیر اعظم عمران خان نے اپنے ٹویٹ میں کہا کہ افغانستان کی طرح پہلے کسی کرکٹ ٹیم کو انٹرنیشنل کرکٹ میں یوں ابھرتے نہیں دیکھا۔
وزیر اعظم عمران خان کا مزید کہنا تھا کہ افغانستان میں کرکٹ کا مستقبل روشن ہے۔
واضح رہے کہ پاکستان نے ٹی ٹوئنٹی ورلڈکپ میں اپنے تیسرے میچ میں افغانستان کو 5 وکٹوں سے شکست دی ہے۔
آصف علی نے 25 رنز کی برق رفتار اننگ کھیل کر ٹیم کو فتح سے ہمکنار کروایا جس پر انہیں مین آف دی میچ کا ایوارڈ دیا گیا۔
The post وزیراعظم عمران خان کی قومی ٹیم کو جیت پر مبارک باد appeared first on .