Zeal News Pakistan First Complete Media Group
پاکستانی اداکارہ حرا مانی کی اداکار منیب بٹ کے ہمراہ تصویر سوشل میڈیا پر وائرل ہوگئی ہے۔
حرا مانی نے فوٹو اینڈ ویڈیو شیئرنگ ایپ انسٹاگرام پر ایک تصویر پوسٹ کی ہے۔
View this post on Instagram
شئیر کی گئی تصویر میں دیکھا جاسکتا ہے کہ اداکارہ حرامانی کے ساتھ ان کے ساتھی اداکار منیب بٹ بھی ہیں۔
حرا مانی کی تصویر کے کیپشن میں لکھا کہ اچھے لوگوں کی سب سے بڑی خوبی پتہ ہے کیا ہوتی ہے، انہیں یاد رکھنا نہیں پڑتا وہ یاد رہ جاتے ہیں۔
اس تصویر کو مداحوں کی جانب سے بہت پسند کیا جارہا ہے۔
اس سے قبل اداکارہ نے فوٹو اینڈ ویڈیو شیئرنگ ایپ انسٹاگرام پر اپنی کچھ تصاویر پوسٹ کی تھیں۔
View this post on Instagram
شئیر کی گئی تصاویر کے کیپشن میں اداکارہ نے لکھا تھا کہ ہاں بھئی کیا سین ہے۔
اس سے قبل حرا مانی نے پاکستان کی شاندار کامیابی کے بعد قومی کرکٹ ٹیم کے کپتان بابر اعظم کو ہیرو قرار دیا تھا۔
اداکارہ نے فوٹو اینڈ ویڈیو شیئر نگ ایپ انسٹاگرام پر پاکستان کی ورلڈ کپ میں تاریخی فتح پرخوشی کا اظہارکیا ۔
View this post on Instagram
انہوں نے اپنی پوسٹ میں ملک کے میچ جیتنے پر پاکستان زندہ باد کا نعرہ لگاتے ہوئے لکھا کہ ہم جیت گئے ۔
حرا نے لکھا کہ بابر، تم تو ہیرو نکلے یار۔
حرا مانی نے قومی کرکٹ ٹیم کی ٹی 20ورلڈ کپ میں بھارت کے خلاف اس تاریخی کامیابی پر اللہ کاشکر بھی ادا کیا ۔
واضح رہے کہ گزشتہ روز ورلڈکپ مقابلے میں 152 رنز کے تعاقب میں پاکستانی اوپنر کپتان بابر اعظم اور محمد رضوان نے جارحانہ آغاز کیا اور بھارتی باؤلرز کی درگت بنادی۔
کپتان بابر اعظم نے شاندار اننگ کھیلتے ہوئے 52 گیندوں پر ناقابل شکست 68 رنز بنائے، ان کی اننگ میں 2 چھکے اور 6 چوکے شامل تھے۔
کپتان بابر اعظم کا ساتھ دیتے ہوئے محمد رضوان نے جارحانہ اننگ کھیلتے ہوئے 55 گیندوں پر ناقابل شکست 79 رنز اسکور کئے،ان کی اننگ میں3 چھکے اور 6 چوکے شامل تھے۔
قومی کرکٹ ٹیم کے کپتان بابر اعظم اور محمد رضوان کی بدولت پاکستان نے بھارت کو عبرت ناک شکست دے کر تاریخ رقم کردی۔
پاکستان کی جیت کے بعد پاکستان بھر میں خوشی کا سماء ہے، شائقین کرکٹ کی جانب سے مٹھائیاں اور مبارکباد پیش کی جا رہی ہے۔
کپتان بابر اعظم اور محمد رضوان نے پاکستان کے لئے ٹی ٹوئنٹی میں ریکارڈ پارٹنرشپ قائم کر دی ۔
یاد رہے کہ پاکستان نے بھارت کو ورلڈ کپ میچز میں شکست نہیں دی لیکن اس فتح کے بعد پاکستان نے تاریخ رقم کردی۔
The post حرا مانی کی اداکار منیب بٹ کے ہمراہ تصویر وائرل appeared first on .
