صاف شفاف جِلد کیلئے اب صابن گھر میں ہی تیار کریں

صاف شفاف جِلد کے حصول کے لئے مارکیٹ میں دستیاب بیوٹی پروڈکٹس کو چھوڑ کر اب گھر میں اس فارمولے سے بنے صابن کا استعمال کریں۔

صابن تیار کرنے کے لئے سب سے اہم اور بنیادی جُز با آسانی پنسار کی دکان سے ملنے والا کیمیکل لئی (Lye) ہے۔

اس صابن کی ٹکیہ کے لیے سب سے پہلے با آسانی دستیاب 200 ملی لیٹر منرل واٹر، ڈیڑھ کپ دارچینی کا تیل، ڈیڑھ چمچ لونگ کا تیل، دو چمچ خالص ونیلا ایسنس، ڈیڑھ کپ شہد، ڈیڑھ کپ جو کا آٹا، ایک کپ زیتون کا تیل، پونے چار کپ ناریل کا تیل، پونے چار کپ کیسٹرآئل، ڈیڑھ کپ سورج مکھی کا تیل، دو چمچ ناریل سے بنا مکھن اور بٹر ملک (چند آئس کیوب کی ٹکڑوں کی شکل میں) لے لیں۔

تمام تیلوں کو ایک پین میں ڈال کر گرم ہونے کے لئے رکھیں اور مسلسل چمچہ ہلاتے رہیں۔

دوسری جانب ایک جار میں منرل واٹر، بٹر ملک کے کیوبز ( جمے ہوئے) کو برف سے بھرے ایک باؤل میں رکھ دیں، اب اس باؤل میں لئی کو بھی شامل کر لیں اور یک جان ہونے تک چمچہ گھماتے رہیں۔

اس کے بعد تیل کے اچھی طرح سے گرم ہو جانے پر لئی سے بنے ٹھنڈے محلول کو اس میں شامل کر لیں اور چولہا بند کر دیں، اس محلول کو اب ٹھنڈا ہونے کے لئے چھوڑ دیں۔

اگر محلول زیادہ پتلا محسوس ہو تو گاڑھا ہونے کے لئے اووَن میں رکھ کر 5 سے 10 منٹ کے لئے مزید پکا سکتے ہیں۔

محلول کے گاڑھے ہو جانے کے بعد اس میں شہد، ناریل کا دودھ اور جو کا آٹا مکس کر دیں اور ونیلا ایسنس بھی شامل کر لیں۔

اب اس مرکب کو 12 گھنٹوں کے لئے  کسی برتن میں ڈال کر صابن کی ٹکیہ کی شکل میں ڈھال لیں۔

یہ صابن صاف شفاف اور نکھری جِلد کے لئے نہایت مفید ثابت ہوگا۔

The post صاف شفاف جِلد کیلئے اب صابن گھر میں ہی تیار کریں appeared first on .