اداکار علی ظفر کو یو اے ای کا گولڈن ویزہ مل گیا

اداکار علی ظفر کو یو اے ای کا گولڈن ویزہ مل گیا، علی ظفر کو ’ اداکار’ کی کیٹیگری کے تحت گولڈن ویزہ جاری کیا گیا ہے۔

اس موقع پر علی ظفر کا اپنے ایک بیان  کہنا تھا کہ یو اے ای حکومت سے گولڈن ویزہ ملنا میرے لیے باعث اعزاز ہے، بطور اداکار پہلا پاکستانی ہوں جسے گولڈن ویزہ جاری کیا گیا ہے ۔

علی ظفر ان دنوں اپنی فیملی کے ہمراہ دبئی میں چھٹیاں منانے گئے ہیں۔

یاد رہے علی ظفر سے قبل فخر عالم کو بھی یو اے ای کا گولڈن ویزہ جاری ہوچکا ہے۔

واضح رہے پاکستان کے معروف گلوکار علی ظفر کے پشو زبان میں گائے جانے والے گانے کے بعد ان کی شہرت میں اضافہ ہوا ہے۔

پاکستانی گلوکار علی ظفر کو ٹوئٹر اور انسٹاگرام سوشل سائٹس پر پہلے ہی کامیابی حاصل ہوچکی ہے جس کے بعد اب ان کے یوٹیوب چینل پر بھی صارفین کی تعداد  1 ملین مکمل ہوگئی ہے۔

پاکستان کے معروف گلوکار علی ظفر اب تک تین علاقائی گانے ریلیز کرچکے ہیں جن میں بلوچی، سندھی اور پشتو گانوں نے عوام میں بے حد مقبولیت پائی۔

 علی ظفر اور گُل پانڑہ کے نئے گانے’ لار شہ پیخور‘میں اُنہوں نے پشتون ثقافت کو بڑی خوبصورتی کے ساتھ دِکھایا ہے جبکہ یہ گانا گزشتہ روز پشتون کلچر ڈے کے موقع پر ریلیز کیا گیا تھا۔

گانا ’لارشہ پیخور‘ کو علی ظفر نے خود پروڈیوس کیا ہے، اس کی موسیقی حسن بادشاہ نے دی ہے جبکہ ہدایات ولید عالم نے دی ہیں۔

’گانے میں لار شہ پیخور‘ میں خیبر پختونخوا (کے پی) کے معروف سیاحتی مقامات کو دکھانے سمیت پشتون ثقافتی لباس اور دیگر روایتوں کو بھی دکھایا گیا ہے۔

’لار شہ پیخور‘ گانے میں جہاں علی ظفر کی پرفارمنس کو سراہا جا رہا ہے، وہیں گل پانڑہ کے ڈانس سمیت گانے کی موسیقی اور ویڈیو میں دکھائے گئے مناظر کو بھی پسند کیا جا رہا ہے۔

گانے کو ایک ایسے وقت میں ریلیز کیا گیا ہے جب کہ پشتون لوگ ہر سال کی طرح اپنا روایتی ثقافتی دن منانے والے ہیں۔

’لار شہ پیخور‘ گانے کو علی ظفر اور گل پانڑہ سے قبل بھی متعدد گلوکاروں نے گایا ہے۔

’لار شہ پیخور‘ پشتو زبان کا معروف گانا ہے، جسے دیگر گلوکاروں نے بھی مختلف اوقات میں گایا ہے۔

The post اداکار علی ظفر کو یو اے ای کا گولڈن ویزہ مل گیا appeared first on .