Zeal News Pakistan First Complete Media Group
پاکستان فٹ بال فیڈریشن کے زیر اہتمام 13 ویں پاکستان پریمئیر فٹ بال لیگ کا دوسرا مرحلہ میونسپل اسٹیڈیم راولپنڈی میں شروع ہوگیا ہے ۔
تفصیلات کے مطابق پہلے میچ میں کے آر ایل اور پاکستان ایئرفورس کی ٹیمیں 2ـ2 گول سے برابر رہیں،وقفے تک پاکستان ایئرفورس کو کے آر ایل کے خلاف دو گول کی برتری حاصل تھی، دوسرے ہاف میں کے آر ایل نے دو گول کرکے مقابلہ 2ـ2 گول برابر کردیا جو مقررہ وقت تک جاری رہا۔
پاکستان ایئرفورس کی جانب سے محمد ولید اور صمد خان جبکہ کے آر ایل کی طرف سے علی آغا اور عبداللہ قدیر نے ایک، ایک گول کیا۔
پاکستان فٹ بال فیڈریشن کے نائب صدرو رکن قومی اسمبلی ملک محمد عامر ڈوگراور پاکستان تحریک انصاف کے رہنما مصدق گھمن میچ کے مہمانان خصوصی تھے۔
اس موقع پرپاکستان فٹ بال فیڈریشن کے اراکین کانگریس چوہدری فقیر محمد اورچوہدری محمد سلیم، راولپنڈی ڈسٹر کٹ فٹ بال ایسوسی ایشن کے صدر راجہ اشتیاق احمد، ایبٹ آباد فٹ بال ایسوسی ایشن کے سیکرٹری عادل خان جدون کے علاوہ شائقین فٹ بال کی کثیر تعداد بھی موجود تھی۔
The post پاکستان فٹ بال فیڈریشن کے زیراہتمام13 ویں پاکستان پریمیئرفٹ بال لیگ appeared first on .
