ایف آئی اے اینٹی کرپشن سیل کی اہم کارروائی

ایف آئی اے اینٹی کرپشن سیل نے اہم کارروائی کی ہے۔
تفصیلات کے مطابق وزیر اعظم ہائوس کا جعلی سیکشن افسر بن کر لوگوں کو لوٹنے والا جعل سازی گرفتار ہو گیا۔
ذرائع کا کہنا ہے کہ ملزم جعلی پارٹی نیشنل پیس کونسل فار انٹر فیتھ ہارمنی پاکستان کا خود ساختہ چیئرمین بھی بنا تھا۔
ذرائع نے کہا کہ ملزم مصطفی انصاری لوگوں سے لاکھوں روپے لے کر جعلی لیٹر پر گاڑیوں کے لیے گرین نمبر پلیٹ کا جعلی این او سی جاری کرتا تھا۔ ملزم جعلی تنظیم نیشنل پیس کونسل فار انٹر فیتھ ہارمنی پاکستان کا عہدہ دینے پر بھی فراڈ کر چکا ہے۔
ایف آئی اے کا کہنا ہے کہ ملزم سے وزیر اعظم ہائوس کے جعلی لیٹر پیڈ، کمپیوٹرز، مختلف محکموں کی مہریں اور جعلی سرکاری دستاویز برآمد کر لی گئی ہیں۔
ایف آئی اے کے مطابق ملزم نے نیشنل پیس کونسل کی جعلی ویب سائیٹ بنا رکھی تھی جس کو پی ٹی اے سے بلاک کروا دی گئی ہے۔ ملزم نے نیشنل پیس کونسل کے نام سے پارٹی رجسٹرڈ کروائی جو الیکشن کمیشن نے کیسنل کر دی ہے۔
ایف آئی اے کا کہنا ہے کہ ملزم نے پارٹی کے نام پر تین لاکھ سے زائد لوگوں سے پیسے بٹور کر فراڈ کیا ہے۔
ایف آئی اے کا مزید کہنا تھا کہ ملزم کے خلاف مقدمہ درج کر کے مزید تفتیش شروع کر دی گئی ہے۔

The post ایف آئی اے اینٹی کرپشن سیل کی اہم کارروائی appeared first on .