وزیراعظم عمران خان انٹرنیشنل صادق اور امین ہیں،وزیر مملکت

وزیر مملکت اطلاعات و نشریات فرخ حبیب نے کہا ہے کہ وزیراعظم عمران خان انٹرنیشنل صادق اور امین ہیں۔

تفصیلات کے مطابق وزیر مملکت اطلاعات و نشریات فرخ حبیب نے سماجی رابطے کی ویب سائٹ ٹویٹر پر اپنے ایک پیغام میں کہا کہ اپوزیشن کے الٹی قلا بازیاں لگانے والے اراکین کو شدید مایوسی ہوئی۔

اپنے پیغام میں فرخ حبیب نے کہا کہ آئی سی آئی جے کے مطابق وزیراعظم عمران خان کے نام پر کوئی آف شور کمپنی نہیں ہے۔

اپوزیشن کے الٹی قلا بازیاں لگانے والے اراکین کو شدید مایوسی ہوئی۔ #ICIJ کے مطابق وزیراعظم عمران خان کے نام پر کوئی آف شور کمپنی نہیں ہے۔
وزیراعظم عمران خان انٹرنیشنل صادق اور امین بھی ہے اور
#PandoraPapers میں آنے والے کیخلاف قانون کے مطابق تحقیقات بھی کروائے گے pic.twitter.com/k4APbpCV9I

— Farrukh Habib (@FarrukhHabibISF) October 3, 2021

وزیر مملکت اطلاعات و نشریات فرخ حبیب کا مزید کہنا تھا کہ وزیراعظم عمران خان انٹرنیشنل صادق اور امین ہیں، عمران خان پینڈورا پیپرز میں آنے والے کیخلاف قانون کے مطابق تحقیقات  کروائے گے۔

واضح رہے اس سے قبل انٹرنیشنل کنسورشیم آف انویسٹی گیٹو جرنلسٹس (آئی سی آئی جے) نے صحافتی تاریخ کا سب سے بڑا اسکینڈل پنڈورا پیپرز بریک کردیا۔

پانامہ پیپرز کے بعد نئے مالیاتی اسکینڈل ‘پنڈورا پیپرز’ کی ہوشربا تفصیلات جاری کردی گئی ہیں جس کےمطابق 700سے زائد پاکستانی بے نقاب ہوگئے ہیں جبکہ پنڈورا پیپرز میں مجموعی طور پر 200 سے زائد ممالک کی 29 ہزار سے زائد  آف شور کمپنیوں کی معلومات فراہم کی گئی ہیں۔

پنڈورا پیپرز میں وزیر خزانہ شوکت ترین ،مونس الہیٰ ،علیم خان اور فیصل واوڈا کی آف شور کمپنیاں سامنے آئیں جبکہ تحقیقات میں پنجاب کے سابق وزیر عبدالعلیم خان کی آف شور کمپنی، خسرو بختیار کے بھائی عمر بختیارعارف نقوی کی آف شورکمپنی اور پیپلز پارٹی کے شرجیل میمن کی آف شور کمپنی بھی سامنے آئی۔

تحقیقات میں مسلم لیگ ن کے رہنماء اسحاق ڈار کے بیٹے کی آف شور کمپنی بھی پنڈورا پیپرز میں شامل ہے جبکہ بینکاروں، کاروباری شخصیات کی آف شورکمپنیاں بھی سامنے آئیں ہیں۔

آئی سی آئی جے کے مطابق اس اسکینڈل نے دنیا بھر کی اشرافیہ کی چھپی ہوئی دولت کو بے نقاب کیا ہے۔  پنڈورا پیپرز کے نام سے پروجیکٹ میں 117 ممالک کی اہم شخصیات کی مالی تفصیلات شامل ہیں۔

The post وزیراعظم عمران خان انٹرنیشنل صادق اور امین ہیں،وزیر مملکت appeared first on .