حکومت پناہ گاہوں کےاسٹاف کوعالمی معیارکی تربیت فراہم کر رہی ہے، وزیراعظم

وزیراعظم عمران خان نے کہا ہے کہ حکومت پناہ گاہوں کے اسٹاف کو عالمی معیارکی تربیت فراہم کررہی ہے۔

تفصیلات کے مطابق وزیراعظم عمران خان سے معاون خصوصی ڈاکٹر ثانیہ نشتر نے ملاقات کی جس میں ‏وزیراعظم کو نئی ماڈل پناہ گاہوں پرپیش رفت پر تفصیلی بریفنگ دی گئی۔

پناہ گاہوں میں مقیم لوگوں کی سہولیات کا خاص خیال رکھا جائے. وزیرِ اعظم کی ہدایت.

حکومت ماڈل پناہ گاہوں کی تعمیر سے مثال قائم کر رہی ہے. وزیرِ اعظم

ماڈل پناہ گاہوں کی تعمیر سے مخیر حضرات اور بیرونِ ملک مقیم پاکستانی اس کام میں حکومت کے شانہ بشانہ ہونگے. وزیرِ اعظم pic.twitter.com/LzRIBDWS46

— Prime Minister’s Office, Pakistan (@PakPMO) October 1, 2021

ملاقات میں وزیراعظم کو بریفنگ دیتے ہوئے بتایا گیا کہ پناہ گاہوں کیلئے مرکزی ایڈوائزری بورڈ کی تشکیل مکمل کرلی گئی ہے ہرپناہ گاہ کیلئے ‏‏4 رکنی انتظامی بورڈ بھی جلد تشکیل دےدیا جائے گا ہرپناہ گاہ کیلئےڈیجیٹل مانیٹرنگ سسٹم کا اجرابھی کر دیا ‏جائے گا۔

بریفنگ میں یہ بھی کہا گیا کہ 4 پناہ گاہوں کیلئےعمارتوں کی تعمیرکےسلسلے میں زمین کی نشاندہی کر لی گئی ہے ‏پناہ گاہوں کی تعمیرکاکام ایک سال کی مدت میں مکمل کیا جائےگا۔ ملاقات میں ایم ڈی بیت المال ملک ‏ظہیرعباس کھوکھر بھی شریک تھے۔

اس موقع پر وزیراعظم عمران خان نے کہا کہ پناہ گاہوں میں مقیم لوگوں کی سہولیات کاخاص خیال رکھاجائے حکومت ماڈل ‏پناہ گاہوں کی تعمیرسےمثال قائم کررہی ہے۔

وزیراعظم   عمران خان نے کہا کہ حکومت پناہ گاہوں کےاسٹاف کوعالمی معیارکی تربیت فراہم کر رہی ہے، ون ونڈو سینٹر سے ‏مستحق افراد کو سہولیات تک آسان رسائی ممکن ہو سکے گی۔

واضح رہے اس سے قبل وزیراعظم عمران خان سے بھی ڈنمارک کے وزیر خارجہ کی ملاقات ہوئی جس میں دونوں رہنماؤں نے ماحولیاتی تبدیلی سے متعلق امور پر گفتگو کی تھی جبکہ افغانستان میں امن کے حوالے سے بھی تبادکہ خیال کیا گیا تھا۔

ملاقات میں وزیراعظم عمران خان نے ڈنمارک کے وزیر خارجہ سے گفتگو کرتے ہوئے کہا تھا کہ افغانستان میں استحکام کے لیے سیاسی اسٹرکچر اہم ہے۔

وزیراعظم کا کہنا تھا کہ افغانستان اور استحکام کے لیے عالمی برادری کو اپنا کردار ادا کرنا ہوگا جبکہ افغانستان سی انسانی المیے سے بچنے کے لیے بھی عالمی برادری کردار ادا کرے۔

عمران خان نے دو طرفہ تعلقات پر اطمینان کا اظہار کرتے ہوئے کہا تھا کہ پاکستان ڈنمارک کے ساتھ تجارت، سرمایہ کاری اور متبادل انرجی سمیت مختلف شعبوں میں تعاون بڑھانا چاہتا ہے۔

 وزیراعظم عمران خان نے ماحولیاتی تبدیلی سے متعلق امور پر ڈنمارک کے وزیر خارجہ سے گفتگو کرتے ہوئے مزید کہا تھا کہ عالمی برادری کو ماحولیاتی تبدیلی سے نمٹنے کے لئے اقدامات کرنا ہوں گے۔

The post حکومت پناہ گاہوں کےاسٹاف کوعالمی معیارکی تربیت فراہم کر رہی ہے، وزیراعظم appeared first on .