ویکسین کی دوسری خوراک لازمی ، 10 اکتوبر ڈیڈ لائن مقرر

سعودی وزارت داخلہ نے سعودی شہریوں سمیت تمام غیر ملکیوں کو خبردار کیا ہے کہ  10 اکتوبر سے ویکسین کی دونوں خوراکیں نہ لینے والوں پر سرکاری و نجی اداروں  داخلے کی  پابندی عائد کردی جائے گی۔

تفصیلات کے مطابق سعودی وزارت داخلہ کی جانب سے جاری کردہ بیان میں کہا گیا ہے کہ مملکت میں کورونا سے محفوظ رہنے کے لیے ویکسین کی دونوں خوراکوں کو لازمی قرار دیا گیا ہے ۔

بیان میں یہ بھی کہا گیا ہے کہ کورونا سے بچاؤ کے لئے ویکسین کی دونوں خوراک لگوائیں پابندی کا نفاذ اتوار 10 اکتوبر 2021 صبح 6 بجے سے کیا جائے گا جبکہ وہ افراد جنہوں نے ویکسین کی دونوں خوراکیں نہ لگوائی ہوں گی انہیں تقریبات ، سرکاری و نجی اور تعلیمی اداروں میں جانے کی اجازت نہیں ہوگی اور ان پر فضائی سفر پر بھی پابندی عائد کی جائے گی۔

سعودی وزارت داخلہ کی جانب سے جاری کردہ بیان میں مزید کہا گیا ہے کہ دونوں خوراکیں نہ لینے والے افراد سیاحتی ، ثقافتی ، تفریحی اور تجارتی سرگرمیوں میں بھی شرکت نہیں کرسکیں گےـ

واضح رہے مملکت میں کورونا سے بچاؤ کے لئے شہریوں اور غیر ملکیوں کو مفت ویکسین کی سہولت فراہم کی جارہی ہے۔

The post ویکسین کی دوسری خوراک لازمی ، 10 اکتوبر ڈیڈ لائن مقرر appeared first on .