وزیراعظم عمران خان نے کہا ہے کہ پر امن اور مستحکم افغانستان پاکستان اور خطے کے لیے اہم ہے۔
تفصیلات کے مطابق وزیراعظم عمران خان سے ڈنمارک کے وزیر خارجہ کی ملاقات ہوئی جس میں دونوں رہنماؤں نے ماحولیاتی تبدیلی سے متعلق امور پر گفتگو کی جبکہ افغانستان میں امن کے حوالے سے بھی تبادکہ خیال کیا گیا۔
Danish Foreign Minister Jeppe Kofod @JeppeKofod called on Prime Minister @ImranKhanPTI in Islamabad today. pic.twitter.com/aHOBii4GNd
— Prime Minister’s Office, Pakistan (@PakPMO) October 1, 2021
ملاقات میں وزیراعظم عمران خان نے ڈنمارک کے وزیر خارجہ سے گفتگو کرتے ہوئے کہا کہ افغانستان میں استحکام کے لیے سیاسی اسٹرکچر اہم ہے۔
The PM stated that a peaceful and stable Afghanistan was vitally important for & the region. He stressed need for int’l community’s constructive engagement to prevent humanitarian crisis & economic collapse in Afg and to help build durable peace & stability in the country.
— Prime Minister’s Office, Pakistan (@PakPMO) October 1, 2021
وزیراعظم کا کہنا تھا کہ افغانستان اور استحکام کے لیے عالمی برادری کو اپنا کردار ادا کرنا ہوگا جبکہ افغانستان سی انسانی المیے سے بچنے کے لیے بھی عالمی برادری کردار ادا کرے۔
عمران خان نے دو طرفہ تعلقات پر اطمینان کا اظہار کرتے ہوئے کہا کہ پاکستان ڈنمارک کے ساتھ تجارت، سرمایہ کاری اور متبادل انرجی سمیت مختلف شعبوں میں تعاون بڑھانا چاہتا ہے۔
The PM expressed satisfaction at the growing cooperation between the two countries. He added that was committed to further diversify bilateral cooperation in areas of trade and investment & renewable energy besides increasing people-to-people contacts between the two countries
— Prime Minister’s Office, Pakistan (@PakPMO) October 1, 2021
وزیراعظم عمران خان نے ماحولیاتی تبدیلی سے متعلق امور پر ڈنمارک کے وزیر خارجہ سے گفتگو کرتے ہوئے مزید کہا کہ عالمی برادری کو ماحولیاتی تبدیلی سے نمٹنے کے لئے اقدامات کرنا ہوں گے۔
ملاقات میں ڈنمارک کے وزیر خارجہ نے 10 بلین ٹری سونامی منصوبے کی تعریف کی جبکہ ڈینمارک کے وزیر خارجہ نے افغانستان سے شہریوں کے انخلا میں مدد پر بھی پاکستان کو سراہا۔
واضح رہے اس سے قبل وزیر خارجہ شاہ محمود قریشی نے ڈنمارک کے ہم منصب کے ہمراہ سے نیوز کانفرنس کرتے ہوئے کہا تھا کہ بیرونی سرمایہ کاروں کو بہت سی پرکشش مراعات دے رہے ہیں، ڈینش کمپنیاں ان مراعات سے استفادہ کرسکتی ہیں۔
وزیر خارجہ شاہ محمود قریشی کا کہنا تھا کہ پاکستان، ڈنمارک کے ساتھ دوطرفہ تعلقات کو اہمیت دیتا ہے، گزشتہ کچھ عرصے میں دونوں ممالک کے تعلقات وسعت پذیر ہوئے ہیں۔
اس موقع پر ڈنمارک کے وزیر خارجہ جیپی کوفود کا کہنا تھا کہ کابل سے انخلاء میں پاکستان نے اہم کردار ادا کیا ہے، پاکستان خطے میں اہم ملک ہے، افغانستان سے انخلاء پر مدد کے شگر گزار ہیں۔
ڈنمارک کے وزیر خارجہ کا مزید کہنا تھا کہ پاکستان سے کھلے دل کے ساتھ بات چیت ہوئی ہے، بطور وزیر خارجہ پاکستان کا پہلا دورہ ہے۔
The post پر امن اور مستحکم افغانستان پاکستان اور خطے کے لیے اہم ہے، وزیراعظم appeared first on .