ستمبر 2021ء میں مہنگائی کی شرح میں ریکارڈ 2.12 فیصد کا اضافہ

ستمبر 2021 میں مہنگائی کی شرح میں ریکارڈ 2.12 فیصد کا اضافہ ریکارڈ کیا گیا ہے۔

تفصیلات کے مطابق  پاکستان ادارہ شماریات نے ماہانہ مہنگائی کے اعداد و شمار جاری کردیئے اگست کے مقابلے میں ستمبر 2021ء میں مہنگائی 2.12 فیصد بڑھی ستمبر 2020ء کے مقابلے میں ستمبر 2021ء میں مہنگائی کی شرح 8.98 فیصد رہی ۔

گذشتہ سال کی پہلی سہ ماہی کے مقابلے میں امسال جولائی تا ستمبر کے دوران مہنگائی 8.58 فیصد رہی ایک ماہ میں چکن 42 فیصد، پیاز 32، دال مسور 15.70 فیصد مہنگی ہوئی۔

 انڈے 14.43 فیصد، آٹا 9.69، گندم 7.31 فیصد مہنگی ہوئی ،چنے 6 فیصد، دال چنا 4.33، سبزیاں 4 اور چینی 3 فیصد مہنگی ہوئی۔

 بجلی کے نرخ 11.40 فیصد، بیسن 2.37 اور موٹر فیول 1.67 مہنگا ہوا ۔

ایک سال میں چکن 44.63 فیصد، خوردنی تیل 40، انڈے 35 اور چینی 15.26 فیصد مہنگی ہوئی۔

 ایک سال میں آٹا 19.32 فیصد، دالیں 18 سے 12 فیصد اور پیاز 14 فیصد مہنگا ہوا  جبکہ ایک سال میں ایل پی جی 54 فیصد، بجلی 22.36، موٹر فیول 17.55 مہنگا ہوا جبکہ  ٹماٹر 18.90 فیصد، دال مونگ 4 اور آلو 2.62 فیصد سستے ہوئے  ہیں۔

The post ستمبر 2021ء میں مہنگائی کی شرح میں ریکارڈ 2.12 فیصد کا اضافہ appeared first on .