عمران صاحب ایف آئی اے اور نیب سے عدالتوں میں جھوٹ بلوا رہے ہیں، مریم اورنگزیب

‎ پاکستان مسلم لیگ (ن) کی ترجمان مریم اورنگزیب نے کہا ہے کہ عمران صاحب ایف آئی اے اور نیب سے عدالتوں میں جھوٹ بلوا رہے ہیں۔

تفصیلات کے مطابق پاکستان مسلم لیگ (ن) کی ترجمان مریم اورنگزیب کا بیان دیتے ہوئے کہنا تھا کہ عمران صاحب ایف آئی اے اور نیب سے عدالتوں میں جھوٹ بلوا رہے ہیں، یہ تمام وہی جھوٹے مقدمات اور الزامات ہیں جن کو بنانے کے لئے عمران خان صاحب نے سابق ڈی جی ایف آئی پہ دباؤ ڈالا تھا۔

‎ پاکستان مسلم لیگ (ن) کی ترجمان مریم اورنگزیب کا کہنا تھا کہ عمران صاحب کے شہباز شریف کے خلاف ذاتی بغض ، حسد اور سیاسی انتقام نے اِن  مرے ہوئے مقدموں کو زندہ رکھا ہوا ہے جبکہ عمران صاحب نے شہباز شریف کے خلاف جھوٹے مقدمات بنا کر اپنی مری ہوئی سیاست کو زندہ رکھا ہوا ہے۔

‎ان کا کہنا تھا کہ عمران صاحب، نیب اور ایف آئی اے کے ساتھ ایک مرتبہ الٹے ہوں، پھر سیدھے ہوں، پھر الٹے اور سیدھے ہوں تو بھی ایک دھیلے کی کرپشن ثابت نہیں ہوگی، انشاءاللہ۔

‎ مریم اورنگزیب کا کہنا تھا کہ عمران خان کے شہباز شریف کے خلاف بنائے تمام جھوٹے مقدمات کے سپریم کورٹ اور ہائی کورٹ کے فیصلہ آچکے ہیں اور ایک پیسے کی کمشن، کک بیک، کرپشن یا خورد برد نہیں کا وجود بھی نہیں ہے۔

‎‎ پاکستان مسلم لیگ (ن) کی ترجمان مریم اورنگزیب کا کہنا تھا کہ شہباز شریف نے بطور وزیرِ اعلیٰ اپنے فیصلوں سے اپنے خاندان کے کاروبار کو نقصان پہنچایا اور عوام کو فائدہ پہنچایا۔

‎ان کہنا تھا کہ ہائی کورٹ اور سپریم کورٹ کے فیصلوں کے بعد اصولاً اور قانوناً اس بے بنیاد اور سیاسی انتقام پر مبنی مقدمے کو ختم ہو جانا چایئے۔

مریم اورنگزیب کا کہنا تھا کہ جس مقدمے میں شہباز شریف کو گھسیٹا جا ریا ہے، اس میں ان سے تمام سوالات پوچھے جاچکے ہیں۔

‎ان کا کہنا تھا کہ شہباز شریف کے خلاف عمران خان کے بنائے تمام جھوٹے مقدمات کی تحقیقات مکمل ہو چکی ہیں۔

‎ پاکستان مسلم لیگ (ن) کی ترجمان مریم اورنگزیب کا مزید کہنا تھا کہ آٹا چینی بجلی گیس دوائی سمیت عوام کی خدمت کے ہر شعبے اور محکمے کو بکاؤ مال بنانے والے عمران صاحب اور ان کے ساتھیوں کی کرپشن پر نیب اور ایف آئی اے اندھے ہو جاتے ہیں۔

The post عمران صاحب ایف آئی اے اور نیب سے عدالتوں میں جھوٹ بلوا رہے ہیں، مریم اورنگزیب appeared first on .