پارلیمنٹ کے مشترکہ اجلاس سے پہلے اپوزیشن اپنی پالیسی بنائے گی، سید نوید قمر

پاکستان پیپلز پارٹی کے رہنما سید نوید قمر نے کہا کہ پارلیمنٹ کے مشترکہ اجلاس سے پہلے اپوزیشن اپنی پالیسی بنائے گی۔

تفصیلات کے مطابق پاکستان پیپلز پارٹی کے رہنما سید نوید قمر نے میڈیا سے گفتگو کرتے ہوئے کہا کہ ماضی میں پارلیمنٹ کے مشترکہ اجلاس میں بائیکاٹ اور شورشرابے ہوتے رہے ہیں۔

انہوں نے کہا کہ اپوزیشن کے پاس پارلیمنٹ کے مشترکہ اجلاس کے لیے سارے آپشن موجود ہیں ، جب پی ٹی آئی حکومت کی تاریخ لکھی جائے گی وہ مہنگائی اور بے روزگاری پر لکھی جائے گی۔

سید نوید قمر نے کہا کہ بجلی کی قیمتیں اور نظام کی نا اہلی کو جب تک بہتر نہیں کریں گے تب تک اسپائلر بڑھتا رہے گا ، سر کلر ڈیٹ اب کھربوں سے بڑھ گیا ہے یہ سارا عوام کی جیب سے نکلتا ہے۔

پاکستان پیپلز پارٹی کے رہنما سید نوید قمر نے کہا کہ ڈسٹری بیوشن کو ٹھیک کرنا ہے وہ کرتے نہیں ہیں ، مینجمنٹ پسند نہ پسند پر لگائی جاتی ہے ، مینجمنٹ میرٹ پر لگائی جا ئے ، حکومت تین سال میں قرضے لے کر ملک چلا رہی ہے۔

The post پارلیمنٹ کے مشترکہ اجلاس سے پہلے اپوزیشن اپنی پالیسی بنائے گی، سید نوید قمر appeared first on .