نور بخاری کا اداکارہ صنم چوہدری کیلئے اہم کا پیغام

انسٹاگرام سے اپنی تمام تر تصاویر ڈیلیٹ کرنے والی اداکارہ صنم چوہدری کے لئے سابقہ اداکارہ نور بخاری نے ایک پیغام شیئر کیا ہے۔

سابقہ اداکارہ نے صنم چوہدری کے فیصلے کو سراہتے ہوئے لکھا کہ کامیابی کی جانب خوش آمدید، ساتھ ہی انہوں نے لال دل والے ایموجی کا بھی اضافہ کیا ہے۔

اس سے قبل شوبز چھوڑنے والی اداکارہ سارہ چوہدری نے بھی صنم کے لئے جاری پیغام میں کہا تھا کہ اللہ آپ کو اس راہ پر چلنے کی استقامت دے۔

واضح رہے کہ پاکستان ٹی وی انڈسٹری کی مقبول ترین اداکارہ صنم چوہدری نے اپنے انسٹاگرام اکاؤنٹ سے اپنی تمام تصاویر ڈیلیٹ کردی ہیں۔

 صنم چوہدری نے دین کی خاطر شوبز انڈسٹری کو خیرباد کہہ دیا ہے،  انہوں نے ایک ویڈیو پوسٹ کرتے ہوئے لکھا ہے میرے خاندان نے اللّٰہ کی طرف پلٹنے پر میرا اس طریقے سے استقبال کیا ہے یہ بہت پرمسرت ہے، شکریہ۔

 

View this post on Instagram

 

A post shared by Mrs. Chohan (@sanamchauhdry)

اداکارہ کی اس پوسٹ کے بعد مداحوں کو یقین ہو چلا ہے کہ انہوں نے اداکاری چھوڑ دی ہے، مداح انہیں کمنٹس میں استقامت کی دعائیں دے رہے ہیں تاہم صنم چوہدری کی جانب سے اس حوالے سے کوئی واضح بیان سامنے نہیں آیا۔

انہوں نے اپنے انسٹاگرام اکاؤنٹ کا بائیو بھی اداکارہ سے تبدیل کر کے ایک مسلمان ماں جو اسلام سیکھ رہی ہے کر دیا ہے۔

صنم چوہدری نے کچھ روز قبل اسٹاگرام پر سورۃ الحزاب کی ایک آیات شیئر کی تھی اور لکھا تھا  قرآن پاک پڑھنے سے مجھے میرا جواب مل گیا، اور میں اللّٰہ کی طرف پلٹتی ہوں، اللّٰہ تیرا شکر۔

The post نور بخاری کا اداکارہ صنم چوہدری کیلئے اہم کا پیغام appeared first on .