اداکار جونی لیور کا اصل نام کیا ہے؟

بھارتی شوبز انڈسٹری کے نامور اداکار جونی لیور اپنی مزاح سے بھرپور اداکاری سے اپنے مداحوں کا دل جیت چکے ہیں اور وہ دہائیوں سے سلور اسکرین پر اپنی شاندار پرفارمنس دکھاتے آرہے ہیں۔

یہاں دلچسپ بات یہ ہے کہ جونی لیور کے اصل نام سے ان کے اکثر پرستار واقف ہی نہیں ہیں اور انھیں جونی لیور فلمی نام سے پکارا جاتا ہے۔

جونی لیور آج اپنی  64ویں سالگرہ منارہے ہیں اور اسی حوالے سے میڈیا میں ان کے نام اور ان کی زندگی کے نشیب و فراز کو لے کر ایک رپورٹ شائع ہوئی۔

اس میں بتایا گیا کہ اس اسٹار کامیڈین کا اصل نام جان راؤ ہے، فلمی دنیا میں آنے سے قبل 18 برس کی عمر میں ایک جانی مانی ملٹی نیشنل کمپنی لیور میں کام کرتے تھے۔

جونی کے پاس نامور شخصیات کی نقل اتارنے کی صلاحیت تھی اور وہ اسے استعمال کرتے ہوئے شوز کیا کرتے تھے، مذکورہ کمپنی میں کام کرنے کی وجہ سے لوگ جان راؤ کو جونی لیور پکارنے لگے اور یہی آگے چل کر ان کا فلمی نام بھی بن گیا۔

انھوں نے 1980 کے عشرے میں اپنی فلمی کیریئر کا آغاز کیا تھا اور ایک مرتبہ اپنے انٹرویو میں ان کا کہنا تھا کہ وہ فلم یہ رشتہ نہ ٹوٹے کی شوٹنگ سے بھاگنا چاہتے تھے کیونکہ وہ اس وقت فلم میں اداکاری کو لے کر بہت گھبرائے ہوئے تھے۔

جونی نے انٹرویو میں کہا تھا کہ ان کی عادت بن گئی تھی کہ وہ نامور شخصیات کی نقل اتارتے اور انھیں دیکھ کر لوگ ہنستے اور محظوظ ہوتے تھے۔

انھوں نے بتایا کہ میں ڈانس کرتے اور دیگر پرفارمنس کرتے ہوئے بڑا ہوا ہوں، جب 18 برس کا ہوا تو جس کمپنی میں والد کام کرتے تھے وہیں کام کرنے لگا، وہاں کمپنی میں بھی شوز کیے اور اسی وجہ سے جونی لیور نام مل گیا۔

The post اداکار جونی لیور کا اصل نام کیا ہے؟ appeared first on .