عمران خان پاکستان کے چوروں اور لوٹیروں کا احتساب کرنے آیاہے، ڈاکٹر یاسمین راشد

صوبائی وزیر صحت ڈاکٹر یاسمین راشد نے کہا ہے کہ عمران خان پاکستان کے چوروں اور لٹیروں کا احتساب کرنے آیا ہے۔

تفصیلات کے مطابق صوبائی وزیر صحت ڈاکٹریاسمین راشدنے حلقہ این اے 125 اسلام پورہ میں جشن آزادی کی مناسبت سے منعقدہ تقریب میں بطورمہمان خصوصی شرکت کی۔

اس موقع پران کا کہنا تھا کہ آج کے نئے پاکستان کے حالات بہت بہتر ہیں، وزیراعظم عمران خان قائداعظم محمد علی جناح ؒکے ویژن کو لے کرپاکستان میں ترقی کیلئے کوشاں ہیں، پوری قوم نے عمران خان کاخوشحالی کیلئے چناؤکیاہے۔

صوبائی وزیر صحت کا  کہنا تھا کہ مخالفین کے بے بنیاد طعنوں کے باوجودعمران خان کی قیادت میں پاکستان ترقی کرتارہے گا۔

ڈاکٹر یاسمین راشد  کا کہنا تھا کہ وزیراعظم عمران خان کی ہدایت پر پنجاب کے 85لاکھ خاندانوں میں صحت سہولت کارڈ تقسیم کرچکے ہیں،   انشاء اللہ دسمبر2021تک پنجاب کے تمام خاندانوں میں 7لاکھ بیس ہزارروپے کا صحت سہولت کارڈ فراہم کردیاجائے گا۔

ان کا کہنا تھا کہ عوام کو صحت اور تعلیم کی بہتر سہولیات فراہم کرناوزیراعظم عمران خان کی اولین ترجیحات میں شامل ہیں، عمران خان پاکستانی قوم کو صحت منداور ترقی یافتہ دیکھنا چاہتے ہیں۔

صوبائی وزیر صحت کا کہناتھا کہ   650بستروں پر مشتمل مدراینڈ چائلڈ بلاک گنگارام ہسپتال عمران خان کے ویژن کی تازہ مثال ہے،وزیراعظم عمران خان نے پنجاب کی ماؤں اور بچوں کی صحت کو یقینی بنانے کیلئے تمام اقدامات اٹھانے کی ہدایت کی ہے۔

ڈاکٹریاسمین راشد کا کہنا تھا کہ   وزیراعلی پنجاب سردارعثمان بزدار نے پنجا ب میں سب سے بڑا بجٹ 370ارب روپے کا صحت کے شعبہ کیلئے مختص کیاہے،  پنجاب میں اسٹیٹ آف دی آرٹ ہسپتال تعمیرکئے جارہے ہیں۔

ان کا کہنا تھا کہ اوورسیزپاکستانیو ں کی جانب سے تاریخ کی سب سے بڑی رقم اپنے وطن بھیجی جارہی ہے۔

صوبائی وزیر صحت ڈاکٹر یاسمین راشد کا مزید کہنا تھا کہ   الحمداللہ آج ہم ایک آزاد پاکستان میں کھڑے ہیں، ہمیں سب سے پہلے آزادمملکت میں آزادی سےسانس لینے پر اللہ پاک کا شکراداکرناچاہئے۔

اس موقع پر زبیرنیازی،چیئرمین عبدالغفورپپو،محمد ندیم، صدرداتاگنج بخش ٹاؤن جاویداکرام ٹونی،رانانسیم،دیگرکارکنان اور مردوخواتین کی کثیرتعدادنے شرکت کی۔

The post عمران خان پاکستان کے چوروں اور لوٹیروں کا احتساب کرنے آیاہے، ڈاکٹر یاسمین راشد appeared first on .