ن لیگ کی کشمیر میں شکست کی وجہ بھارت نواز بیانیہ بنا،شہباز گِل

وزیر اعظم کے معاون  خصوصی برائے سیاسی ابلاغ  ڈاکٹر شہباز گل نے کہا ہے کہ ن لیگ کی کشمیر میں شکست کی وجہ بھارت نواز بیانیہ بنا۔

تفصیلات کے مطابق وزیر اعظم کے معاون  خصوصی برائے سیاسی ابلاغ  ڈاکٹر شہباز گل نےمریم اورنگزیب کے بیان پر رد عمل دیتے ہوئے کہا کہ جھوٹوں اور جعلسازوں کی کنیز کی بھاشن بازی مضحکہ خیز ہے۔

ان کا کہنا تھا کہ مریم صفدر نے کشمیر الیکشنز میں بھارتی بیانیے کا  پرچار کیا ہے۔

ڈاکٹر شہباز گل کا کہنا تھا کہ ن لیگ کی شہہ پر بھارت کو کھل کر آزاد کشمیر کے خلاف ہرزہ سرائی کا موقع ملا،قوم جانتی ہے کہ کشمیر کا مقدمہ کون لڑ رہا ہے اور مودی کے بیانیے کا امین کون ہے۔

ان کا کہنا تھا کہ گیلپ کی ایک رپورٹ کے مطابق 67 فیصد عوام عمران خان کو بطور رہنما پسند کرتے ہیں۔

انہوں نے کہا کہ عمران خان نے مسئلہ ِکشمیر پوری دنیا میں اجاگر کیا، وزیراعظم کے مثبت کردار کی وجہ سے دنیا بھر کی پارلیمنٹس میں مسئلہ کشمیر پر بحث ہوئی۔

ڈاکٹر شہباز گل کا یہ بھی کہنا تھا  یورپی پارلیمنٹیرینز نے اپنے خط میں وزیراعظم کی کشمیر کے حوالے سے مثالی کردار کو سراہا۔

معاون  خصوصی ڈاکٹر شہباز گل کا مزید کہنا تھا کہ خط اس بات کا ثبوت ہے کہ 5 اگست 2019 کے بعد کشمیر کے سفیر نے مسئلہ کشمیر کو پوری دنیا میں اجاگر کیا ہے، وزارتِ خارجہ کی کوششوں کی بدولت سلامتی کونسل میں 3 بار مسئلہ کشمیر زیر ِ غور آیا ہے۔

The post ن لیگ کی کشمیر میں شکست کی وجہ بھارت نواز بیانیہ بنا،شہباز گِل appeared first on .