پاکستان مزید افغان مہاجرین کی آمد برداشت نہیں کرسکتا، معید یوسف

وزیراعظم کے مشیر برائے قومی سلامتی ڈاکٹر معید یوسف نے کہا ہے کہ پاکستان مزید افغان مہاجرین کی آمد برداشت نہیں کرسکتا۔

تفصیلات کے مطابق وزیراعظم کے مشیر برائے قومی سلامتی ڈاکٹر معید یوسف نے واشنگٹن میں پریس کانفرنس کرتے ہوئے کہا کہ افغانستان کی سرزمین پاکستان کے خلاف استعمال ہوتی رہی ہے اور اب بھی ہورہی ہے، ہمیں اسے روکنا ہوگا۔

پاکستان مشیر برائے قومی سلامتی نے یہ بھی کہا کہ پاکستان اور امریکا کو پہلے سے زیادہ ساتھ مل کر کام کرنے کی ضرورت ہے۔

ڈاکٹر معید یوسف نے یہ بھی کہا کہ افغانستان میں پھر ایسے گروہ جنم لے سکتے ہیں جو دنیا کے لیے خطرہ ہوں۔

وزیراعظم کے مشیر برائے قومی سلامتی ڈاکٹر معید یوسف نے مزید کہا کہ عالمی برادری کو چاہیے کہ وہ متاثرین کے لئے افغانستان میں ہی بندوبست کرے۔

The post پاکستان مزید افغان مہاجرین کی آمد برداشت نہیں کرسکتا، معید یوسف appeared first on .