کوئی مجھے جمہوری حق استعمال کرنے سے نہیں روک سکتا، مہوش حیات

پاکستان فلم و ٹی وی انڈسٹری کی معروف اداکارہ و تمغۂ امتیاز کی حامل مہوش حیات نے کہا ہے کہ کوئی نامناسب الفاظ استعمال کر کے مجھے میرا جمہوری حق استعمال کرنے سے نہیں روک سکتا۔

مہوش حیات نے مائیکرو بلاگنگ سائٹ ٹوئٹر پر اپنے سابقہ بیان کے حوالے سے وضاحت دیتے ہوئے لکھا ہے کہ میں نے اپنے بیان میں حکومت کے خلاف کچھ نہیں کہا تھا۔

Though I did not say anything against the govt, we live in a democracy & it’s the right of every citizen including myself to hold those in power accountable. Calling me names like slut & whore won’t stop me frm practicing my democratic right.Just reflects on your own filthy minds

— Mehwish Hayat TI (@MehwishHayat) July 30, 2021

اداکارہ نے لکھا کہ ہم ایک جمہوری ملک میں رہتے ہیں جہاں مجھ سمیت ہر شہری کا حق ہے کہ وہ اقتدار میں رہنے والوں کو جواب دہ ٹھہرائے۔

انہوں نے لکھا کہ میرے خلاف نامناسب الفاظ استعمال کر کے آپ مجھے میرا جمہوری حق استعمال کرنے سے نہیں روک سکتے۔

مہوش حیات نے مزید لکھا کہ اس طرح کے الفاظ کا استعمال آپ کی شخصیت کی عکاسی کرتا ہے۔

واضح رہے کہ مہوش حیات نے ملک میں بڑھتے جنسی زیادتی کے افسوس ناک واقعات پر شدید غصے کا اظہار کرتے ہوئے کہا تھا کہ اب ہیش ٹیگز اور نعروں کا وقت ختم ہوچکا ہے، ہم جاننا چاہتے ہیں کہ حکومت ان واقعات کی روک تھام کے لئے کون سے اقدام کر رہی ہے۔

The post کوئی مجھے جمہوری حق استعمال کرنے سے نہیں روک سکتا، مہوش حیات appeared first on .