چترال (زیل نمائندہ) چترال شہر کے نواحی ٹاؤن شپ دولوموچ میں معززین کے ساتھ ڈی ایس ایل سروس کی فراہمی کے حوالے سے منعقدہ اجلاس میں چترال چیمبر آف کامرس اینڈ انڈسٹری کے صدر سرتاج احمد خان نے کہا کہ علاقے میں اس سہولت کی فراہمی ایک دیرینہ مطالبہ تھا جس کے لیے پی ٹی سی ایل کے شکر گزار ہیں۔ انہوں نے کہاکہ کرونا وائرس کے حملے کے ساتھ اس کی اہمیت اور ضرورت میں کئی گنااضافہ ہوگیاہے جس میں سکولوں سے لے کر یونیورسٹیوں تک زیر تعلیم اسٹوڈنٹس ان لائن تعلیم حاصل کررہے ہیں جس کے لیے انٹرنیٹ کنکشن کی ضرورت ہوتی ہے۔ انہوں نے کہاکہ وہ پی ٹی سی ایل کے اعلیٰ حکام کے ساتھ مسلسل رابطے میں ہیں اور کریم آباد سمیت شوغور اور دوسرے علاقوں میں ٹیلی فون ایکسچنج لگائے جارہے ہیں۔ اس موقع پر پی ٹی سی ایل کے ایس ڈی او فضل الٰہی نے ضلعے کے اندر ٹیلی فون اور متعلقہ سہولیات کی فراہمی میں سرتاج احمد خان کی انتھک کوششوں کو سراہتے ہوئے کہاکہ ان کی کوششوں سے ہی چترال ٹاؤن کے علاوہ دروش سے لے کر وریجون، شاگرام، لوٹ کوہ اور مستوج تک اپٹیکل فائبر کے کیبل بچھائے گئے ہیں۔ انہوں نے کہاکہ دولوموچ میں 128 لائن ڈی ایس ایل لائن دستیاب ہیں۔ اس موقع پر پی ٹی آئی کے سینئر رہنما اسرار صبورنے ایجوکیشن میں انٹرنیٹ کی اہمیت پر روشنی ڈالی اور اہالیان دومولچ پر زور دیا کہ وہ اس موقع سے فائدہ اٹھائیں جوکہ پی ٹی سی ایل نے محدود مدت کے لئے پیکج کا بھی اعلان کیا ہے۔ مقامی کمیونٹی کے رہنما لیاقت علی اور علی اکبر قاضی نے انٹرنیٹ کی وجہ سے انقلا بی تبدیلیوں پر روشنی ڈالتے ہوئے کہاکہ اب تجارت بھی اسی ذریعے ہوسکتی ہے اور چترال کی مصنوعات کی مارکیٹنگ بھی اس ذریعے سے ہوسکے گی جس کے لیے کمیونٹی کو تیار رہنا چاہئیے۔ انہوں نے پی ٹی سی ایل کے ایس ڈی او، سرتاج احمد خان اور اسرار صبور کا شکریہ اداکیا۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023