تاجر دوست اتحاد پینل کا چترال تجار یونین پینل کو مبارک باد

چترال(نمائندہ زیل ) تاجر دوست اتحاد پینل کے صدارتی اُمیدوار بشیر حسین آزاد،جنرل سیکرٹری کے امیدوار محمد نایاب فارانی،سینئر نائب صدر کے امیدوار سفیراللہ ،نائب صدرامیدوارفضل حسین اور کابینہ کے دیگراراکین نے نومنتخب صدر شبیر احمد اور ان کی کابینہ کو مبارک باد دی ہے اور اُمیدظاہر کی ہے کہ تجار یونین چترال بازاراور تاجروں کے مفادات  کے تحفظ میں کوئی کسر نہیں چھوڑے گا۔ایک اخباری بیان میں تاجر دوست اتحاد کے پینل نے چترال کی تاجر برادری کا شکریہ ادا کیا ہے جنہوں نے ووٹ میں بڑھ چڑھ کر حصہ لیا۔پینل نےعبوری صدرکابینہ اور ضلعی انتظامیہ کا شکریہ ادا کیا ہے جنہوں نے پُرامن ماحول میں انتخابات کے انعقاد کو ممکن بنایا۔اخباری بیان میں تاجر دوست اتحاد کے پینل نے صدارتی اُمیدوار بشیر حسین آزاداور پینل کے دیگر اراکین پر اعتماد کا اظہار کرکے اپنا قیمتی ووٹ دینے والے تاجروں کا بطور خاص شکریہ ادا کیا ہے اور کو یقین دلایا ہے کہ ہماری جدوجہد جاری رہے گی۔خدمت کا جذبہ اسی طرح برقرار رہے گا اور تاجروں کی خدمت میں پیش پیش رہیں گے۔