بروز(نمائندہ زیل) گولین گول پن بجلی گھر کی بجلی سے محروم بروز یوسی اور ملحقہ دیہات کو ایک ہفتے کے اندر بجلی کی فراہمی شروع کردی جائے گی۔ یہ بات ڈپٹی کمشنر چترال ارشاد علی سودھر نے بروز کے مقام پر گزشتہ پانچ دنوں سے جاری دھرنا کے شرکاء سے خطاب کرتے ہوئے کہی۔ انہوں نے یقین دہانی کی کہ پیسکو حکام اور ان علاقوں میں موجود ٹرانسمیشن لائن جو محمد خان اینڈکمپنی کی ہے ان سے گفت و شنید کے بعد بروزیوسی اور ملحقہ دیہات کو بجلی کی فراہمی شروع کر دی جائے گی۔ دھرنے کے مقام پر ہزاروں کی تعداد میں موجود احتجاجیوں سے خطاب کرتے ہوئے ضلع ناظم مغفرت شاہ نے کہاکہ پیسکو حکام کے ساتھ مسلسل رابطے کے بعد ان کی ان علاقوں میں موجود ٹرانسمیشن لائن کے ذریعے بجلی کی فراہمی پر رضامند کرالیاگیا ہے جس میں ڈی سی نے کلیدی کردار ادا کیا۔انہوں نے مزید کہاکہ ان علاقوں میں بجلی کی فراہمی کی دوصورتیں ہیں جس کی پہلی صورت میں بجلی کو جوٹی لشٹ گرڈ اسٹیشن سے ٹرانسمیشن لائن کے مالک حاجی محمدخان کے ذریعے دی جائے گی جبکہ دوسری صورت میں ان تمام گھروں میں پیسکو خود میٹر لگاکر خود بجلی کی فراہمی کا نظام اپنے ہاتھوں لے گی اور پرائیویٹ پارٹی کو لائن رینٹ اد ا کرے گی۔ اس موقع پر ڈسٹرکٹ پولیس آفسر کیپٹن(ر) منصور امان نے بھی شرکاء سے خطاب کرتے ہوئے کہا کہ چترال کے لوگ امن پسند ہونے کے ساتھ ساتھ قانون کی پاسداری کرنے والے لوگ ہیں۔انہوں نے کہا کہ ان لوگوں کا احتجاج حق پر منبی ہے اور وہ پرامن طریقے سے اپنے مطالبات کے لیے جدوجہد کررہے ہیں جو اخلاقی اور قانونی طور پر بھی صحیح ہے۔ اس موقع پر اپنے خطاب میں مولانا عبدالاکبر چترالی نے تمام شرکاء دھرنے کا شکریہ ادا کیا اور کہا کہ ان کی محنت اور کردا ر سے متاثرہ عوام کو بجلی دینے کی یقین دہانی ہوئی ہے جو ایک اچھا شیگون ہے۔ انہوں نے ضلعی انتظامیہ اور ضلعی حکومت کا شکریہ ادا کرنے کے ساتھ ساتھ چترال میں مختلف سیاسی پارٹیوں کے نمائندوں کا بھی شکریہ ادا کیا جو مشکل وقت میں ان کا ساتھ دیا۔ یادرہے کہ بروز کے مقام پر گزشتہ پانچ دنوں سے جاری گولین گول ہائیڈرو پاور پراجیکٹ سے بجلی دینے کے حوالے سے دھرنا جاری تھا جس میں برو زاور ملحقہ دیہات کے ہزاروں افراد شریک تھے۔ جمعرات کے دن ڈی سی ،ڈی پی اوا ور ضلع ناظم نے دھرنا کے مقام پر شرکاء سے خطاب میں بجلی کی فراہمی کی یقین دہانی کرانے پر مظاہرین نے دھرنا ختم کرنے کا اعلان کیا۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023