Zeal News Pakistan First Complete Media Group
بابر اعظم کی والدہ کو صحت میں بہتری کے بعد اسپتال سے ڈسچارج کر دیا گیا
پاکستان کرکٹ ٹیم کے کپتان بابر اعظم کی والدہ کو صحت میں بہتری کے بعد اسپتال سے ڈسچارج کر دیا گیا ہے۔
تفصیلات کے مطابق بابراعظم کے مینیجر کی جانب سے فوٹو اینڈ ویڈیو شیئرنگ ایپ انسٹاگرام پر اس خبر سے متعلق آگاہ کیا گیا ہے۔
انہوں نے بابر اعظم کی والدہ اور والد کے ہمراہ تصویر شیئر کرتے ہوئے بتایا کہ الحمداللہ، کپتان کی والدہ گھر پر ہیں اور آپ کی دعاؤں سے صحت یاب ہو رہی ہیں۔
پوسٹ پر بابر اعظم کے مینیجر نے مداحوں سے مخاطب ہوتے ہوئے مزید لکھا کہ ہم بحیثیت خاندان، نیک دعاؤں اور محبتوں کے لیے آپ سب کے شکر گزار ہیں۔
واضح رہے کہ کچھ روز قبل قومی کپتان بابر اعظم کے والد اعظم صدیقی نے اپنے انسٹاگرام اکاؤنٹ پر پیغام میں کہا تھا کہ بابر اعظم کی والدہ پاک بھارت میچ کے دوران وینٹیلیٹر پر تھیں۔
ان کا کہنا تھا کہ میں پاک بھارت میچ اس لئے دیکھنے آیا تاکہ بابر اعظم کمزور نا پڑ جائے۔
The post بابر اعظم کی والدہ کو صحت میں بہتری کے بعد اسپتال سے ڈسچارج کر دیا گیا appeared first on .
