آرمی چیف کا فرنٹیئر فورس رجمنٹل سینٹر ایبٹ آباد کا دورہ

آرمی چیف جنرل قمر جاوید باجوہ نے فرنٹیئر فورس رجمنٹل سینٹر ایبٹ آباد کا دورہ کیا ہے ۔

پاک فوج کے شعبہ تعلقات عامہ (آئی ایس پی آر) کے مطابق آرمی چیف جنرل قمر جاوید باجوہ نے فرنٹیئر فورس رجمنٹل سینٹر ایبٹ آباد کا دورہ کیا  جہاں رجمنٹل سینٹر آمد پر کرنل کمانڈنٹ آف رجمنٹ لیفٹیننٹ جنرل عامر عباسی، آئی جی آرمز لیفٹیننٹ جنرل ماجد احسان نے ان  کا استقبال کیا۔

آئی ایس پی آر کے مطابق آرمی چیف کا دورہ سالانہ کمانڈنگ آفیسر کانفرنس کے سلسلے میں تھا۔

آئی ایس پی آر کا کہنا ہے کہ آرمی چیف نے یادگار شہداء پر پھول چڑھائے اور کانفرنس سے خطاب کیا۔

آئی ایس پی آر کا مزید کہنا ہے کہ آرمی چیف نے فرنٹیئر فورس رجمنٹ کی پیشہ وارانہ کارکردگی کو سراہا جبکہ رجمنٹ کے جنگی کارناموں، آپریشنل کارکردگی کو  بھی سراہا۔

The post آرمی چیف کا فرنٹیئر فورس رجمنٹل سینٹر ایبٹ آباد کا دورہ appeared first on .