سجاول میں بچوں کے ساتھ جنسی زیادتی کے واقعات تھم نہ سکے

سجاول میرپوربٹھورو شہر میں وحشی درندوں نے  12 سالہ بچے کو جنسی اجتماعی زیادتی کا نشانہ بنایا۔

تفصیلات کے مطابق  سجاول ایریگیشن کالونی میرپوربٹھورو کے رہائشی 12 سالہ بچہ سبحان علی کو زبردستی اغوا کر کے بدفعلی کا نشانہ بناکر ویڈیو بنا ڈالی۔

 بچے کے والد محمد محسن  کا کہنا ہے کہ میرے بیٹے کو ہمارے ہی محلے کے بااثر شخص سلیم اور اسکے ساتھیوں نے زبردستی جنسی زیادتی کا نشانہ بنایا ہے۔

بچے کے والد محمد حسن خاصخیلی کی مدعیت میں پولیس تھانہ میرپوربٹھورو میں مقدمہ درج کیا گیا ہے۔

بچے کے والد کا کہنا ہے کہ  میں نے بااثر شخص سلیم پکھالی کے خلاف مقدمہ درج کرایا ہے مگر پولیس نے ابھی تک کوئی گرفتاری نہیں کی ہے ۔

 متا ثرہ بچے کا کہنا ہے کہ مجھے زبردستی اغوا کرکے جنسی اجتماعی زیادتی کرکے ویڈیو بنائی گئی،زیادتی کے بعد بااثر شخص نے دھمکیاں دیں کہ  اگر کسی کو بتایا تو ویڈیو سوشل میڈیا پر وائرل کردیں گے۔

بچے نے اپیل کی کہ میرے ساتھ انصاف کیا جائے  اور وحشی ملزمان کو گرفتار کرکے عبرتناک سزا دی جائے۔

The post سجاول میں بچوں کے ساتھ جنسی زیادتی کے واقعات تھم نہ سکے appeared first on .