آنے والا وقت غریب عوام کا ہے، حمزہ شہباز

اپوزیشن لیڈر پنجاب اسمبلی رہنما مسلم لیگ ن حمزہ شہباز شریف نے کہا ہے کہ آنے والا وقت غریب عوام کا ہے۔
تفصیلات کے مطابق اپوزیشن لیڈر پنجاب اسمبلی رہنما مسلم لیگ ن حمزہ شہباز شریف نے سابق ایم پی اے شہید عاطف مزاری کی تعزیت کے لیے روجھان آمد کی اور شہید عاطف مزاری کے قبر پر فاتحہ خوانی کے بعد کارکنوں سے خطاب کرتے ہوئے کہا کہ روجھان میں خضر حسین مزاری جیسا نوجوان لیڈر پارٹی اور علاقے کے لیے کسی نعمت سے کم نہیں ہے۔
ذرائع نے کہا کہ حمزہ شہباز نے روجھان میں ن لیگ کے سابق ایم پی اے عاطف مزاری کے قبر پر حاضری دینے کے بعد فاتحہ خوانی کی اور تعزیت کے لیے عاطف مزاری کے بھائی اور بیٹے کے پاس عمر کوٹ پہنچ گئے جہاں پر ہزاروں کی تعداد میں لیگی کارکنوں نے اپوزیشن لیڈر کا استقبال کیا۔
حمزہ شہباز نے کہا کہ انشاءاللہ ہم آنے والے وقت میں روجھان کے لیے ترقی اور خوشحالی لانے کے لیے کلیدی کردار ادا کریں گے۔
حمزہ شہباز کا کہنا تھا کہ ان کا بیٹا میرا بھائی ہے اور ان کے دکھ میں برابر کا شریک ہوں۔
اپوزیشن لیڈر پنجاب اسمبلی نے کہا کہ عاطف حسین مزاری ایک جرات مند وعدے کے پکے انسان تھے اللہ انھیں غریق رحمت کرے۔
ذرائع کا کہنا تھا کہ تعزیتی پروگرام کے بعد حمزہ شہباز اور دیگر کارکنان کو عشائیہ دیا گیا۔

The post آنے والا وقت غریب عوام کا ہے، حمزہ شہباز appeared first on .