چترال (زیل نمائندہ) پاک آرمی کے ایکس سروس مین ایسوسی ایشن چترال کے راہنما صوبیدار میجر (ر) سید محمد شاہ، صفت زرین، سردار نواز، سید اعظم، عبدالوحید، حبیب اللہ، توکل خان اور دوسروں نے وزیر اعظم پاکستان، چیف آف آرمی اسٹاف اور کو ر کمانڈر 11کور پشاور سے اپیل کی ہے کہ پاک آرمی کے پنشنروں کے لیے گزشتہ سال چترال میں قائم شدہ ڈسپنسری کو بند کرنے کے احکامات واپس لے کر اسے بحال رکھا جائے تاکہ ہزاروں پنشنروں کے علاوہ شہداء کے لواحقین بنیادی علاج معالجے کی سہولت سے محروم نہ ہوں۔ چترال پریس کلب میں ایک پریس کانفرنس سے خطاب کرتے ہوئے انہوں نے کہاکہ چترال ملک کا دورافتادہ اور پسماندہ ترین ضلع ہے جہاں وہ سہولیات میسر نہیں جوکہ دیگر حصوں میں دستیاب ہیں اور اس بنا پر پاک فوج کے پنشنروں کے لیے چترال میں گزشتہ سال ایک ڈسپنسری کا قیام عمل میں لایا گیا تھا جس سے ان کی بنیادی علاج معالجے کا مسئلہ حل ہوگیا تھا مگر ا ب اس کی بندش نے ہزاروں پنشنروں اور شہداء کے لواحقین کو مایوسی میں مبتلاکردیا ہے جن کے پاس علاج کے لیے کوئی متبادل سہولت بھی دستیاب نہیں۔ انہوں نے کہاکہ پاک فوج کے علاوہ دوسرے فورسز کے پنشنرز کو ماہانہ میڈیکل الاؤنس ملتی ہے اور اب ہیلتھ کلینک کی بندش ان پر ظلم اوران کے ساتھ ناانصافی ہے اور مشکل کی اس گھڑی میں وہ وزیر اعظم، آرمی چیف اور کور کمانڈر سے دادرسی کی اپیل کرتے ہیں۔ انہوں نے مزید کہاکہ ڈسپنسری کی بحالی کے بجائے انہیں میڈیکل الاؤنس کی فراہمی بھی منظور ہے جسے وہ اپنے علاج معالجے پر خرچ کرسکیں گے۔ انہوں نے کہاکہ ان کی اپیل کی شنوائی نہ ہونے پر چترال کے تمام ایکس سروس مین اپنے بال بچوں کے ہمراہ تادم مرگ بھوک ہڑتال پر مجبور ہوں گے۔ ان کا کہنا تھاکہ گلگت بلتستان میں ہر ضلعے کی سطح پر پاک آرمی کے پنشنرز کو کلینک کی سہولت اور گلگت کے مقام پر ایک مکمل سی ایم ایچ ہسپتال بھی قائم ہے جس سے پنشنرز استفادہ کررہے ہیں۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023