چترال(زیل نمائندہ) جشن شندور۲۰۱۹ کے فائنل میچ کی فاتح چترال Aپولوٹیم کے اعزاز میں ڈپٹی کمشنر لوئیر چترال ہاؤس میں ایک پروقار تقریب منعقد ہوئی۔ اس موقع پر پولو ٹیم کے کھلاڑیوں سمیت ڈپٹی کمشنرنوید احمد، ضلعی انتظامیہ کے افسران، پولو کمیٹی کے عہدیداران سمیت پولو شائقین کی بڑی تعداد نے شرکت کی۔ اس موقع پر ڈپٹی کمشنر لوئیر چترال نوید احمدنےکہا کہ مجھے چترال کی پولوٹیم کے کھلاڑیوں پر فخر ہے جنہوں نے دنیا کی بلند ترین پولو گراؤنڈ میں چترال کا نام روشن کیا۔ انہوں نے مزید کہا کہ چترال میں پولوکی ترقی کے لیےکوئی دقیقہ فرو گزاشت نہیں کی جائے گی۔واضح رہے رواں مہینے کی ۹ تاریخ کو جشن شندور کے اختتامی دن چترال کی پولو A ٹیم نے گلگت بلتستان کی Aٹیم کو کانٹے دار مقابلے کے بعد پانچ کے مقابلے میں چھے گولوں سے شکست دے کر شندور پولو فیسٹول ۲۰۱۹ اپنے نام کیا تھا۔ فاتح ٹیم کی ٹرافی کو لے کر کھلاڑی اور شائقین پولو نے مستوج سے اپر چترال کے ہیڈ کوارٹربونی پہنچنے تو اہالیان علاقہ نے ان کا پرتباک استقبال کیا۔ اس کے بعد ٹرافی کولے کر زیرین چترال پہنچے سے پہلے جگہ جگہ کھلاڑیوں کا بھرپور استقبال کیا گیا اور پھول نچھاور کیے گئے۔ فاتح چترال Aٹیم کے کھلاڑیوں میں ٹیم کپتان شہزادہ سکندرالملک، اسرارولی،اظہارعلی خان، شہزاد احمد، معراج احمد اور امیر حمزہ شامل تھے جبکہ آٹھ رکنی ٹیم میں فیروز علی خان اور عرفان علی خان بھی شامل تھے۔
دیگر موضوعات میں
نگران وزیر اعظم کا دورہ ہنزہ، گلگت بلتستان بھر میں بجلی کے مسائل حل کرنے کی یقین دہانی
14 ستمبر 2023
مدک لشٹ چترال میں آعاخان یوتھ اینڈ سپورٹس بورڈ کی طرف سے موسمیاتی تبدیلی کے حوالے سے آگہی واک
2 ستمبر 2023
راکاپوشی بیس کیمپ کے قریب مقامی نوجوان نے کوہ پیما کی لاش دریافت کرتے ہوئے دہائیوں پرانے اسرار سے پردہ اٹھایا
12 اگست 2023
کھوار لوک ادب میں خواتین کے نکتہ نظر” کے موضوع پر سیمیناراور لوک گیت “لوواہ” کی تقریب رونمائی
8 اگست 2023
استاد الاساتذہ ناجی خان ناجی مرحوم کی یاد میں تعزیتی ریفرنس اور “ضرب قلم” کی تقریب رونمائی
7 اگست 2023
دریائے چترال میں طغیانی سے سیاحتی مقام ایون میں کئی گھر اور وسیع ایریا زیر آب آگئے ہیں
20 جولائی 2023
دنین لشٹ کے وی سی سی کے ممبران کا ڈی ایف او وائلڈ لائف اور صدر فیض الرحمن کی مبینہ طور پر کروڑوں روپے کے کرپشن کے خلاف احتجاج
18 جولائی 2023
پولیس ملازمین کے فلاح بہبود کے لئے ویلفر فنڈ کا اطلاق، ریجنل پولیس آفیسر کی خصوصی احکامات
17 جولائی 2023