فیس بک پوسٹس سے صارفین کی جسمانی و ذہنی کیفیات کا اندازہ لگایا جاسکتا ہے، تحقیق

آج کی تاریخ میں ہر کوئی سوشل میڈیا استعمال کرتا ہے اور وہی انسان کی زندگی بھی بنتا چلا جارہا ہے۔

اس دور جدید میں فیس بک کا استعمال خاصہ عام ہوچکا ہے جبکہ اسکے علاوہ بھی  سوشل میڈیا پلیٹ فارم  موجود ہیں۔

فیس بک ہو یا پھر کوئی بھی سوشل میڈیا پلیٹ فارم ہو، وہاں صارفین اپنے خیالات اور جذبات کا اظہار کرتے ہوئے پوسٹس لگائے جاتے ہیں۔

ان لگائے جانے والے پوسٹس کے حوالے سے ایک تحقیق کی گئی ہے جس میں بتایا گیا ہے کہ فیس بک پوسٹس سے صارفین کی جسمانی و ذہنی کیفیات کا اندازہ لگایا جاسکتا ہے۔

تحقیق میں بتایا گیا ہے کہ  فیس بک صارفین کچھ بھی پوسٹ کرتے ہیں، اس کا بغور مطالعہ کرکے ذیابیطس، ڈپریشن، بلڈ پریشر، اور دماغی تناؤ سمیت 21 بیماریوں کا پتہ لگایا جاسکتا ہے۔

اس تحقیق کے لئے فیس بک استعمال کرنے والے 999 افراد سے ان کی پوسٹ اور میڈیکل ریکارڈ مانگا جو انہوں نے دیدیا۔ ماہرین نے پوسٹ کئے جانے والے دو کروڑ الفاظ کا جائزہ لیا گیا۔

امریکی ماہرین نے صارفین کے الفاظ کا استعمال اور ان کے مطالب کو دیکھ کر شماریاتی نسبت کو میڈیکل ریکارڈ کی 21 کیفیات اور امراض سے وابستہ کرنے کی کوشش کی ہے۔

The post فیس بک پوسٹس سے صارفین کی جسمانی و ذہنی کیفیات کا اندازہ لگایا جاسکتا ہے، تحقیق appeared first on .