Zeal News Pakistan First Complete Media Group
بھارت میں شادی کی تقریب کے دوران دلہن اس وقت غصے سے بے قابو ہوگئی جب اسے پتہ چلا کہ اس کا ہونے والا شوہر منہ میں گٹکا دبائے بیٹھا ہے۔
شادی یا عام تقریبات میں پان کھانا صدیوں سے ایک روایت رہی ہے لیکن اب اس دور میں پان کی جگہ گٹکے کو زیادہ اہمیت دے گی گئی ہے جو انتہائی مضر صحت نشہ ہے۔
اس نشے کو استعمال کرنے والوں کے منہ سے بدبو آتی ہے اسی لئے ایسے شخص کو معاشرے میں اچھی نگاہ سے نہیی دیکھا جاتا اور اسی لئے لوگ گٹکا کھانے والوں سے اجتناب کرتے ہیں۔
ایک ایسا ہی مضحکہ خیز واقعہ بھارت میں پیش آیا جہاں شادی کی رسومات کے دوران گٹکا چبانے پر دلہن نے دولہا کو پیٹ ڈالا اور دلہا چپ چاپ منہ دیکھتا رہا۔
View this post on Instagram
سوشل میڈیا پر وائرل ہونے والی ویڈیو میں دیکھا جاسکتا ہے کہ دلہن پاس بیٹھے ایک شخص سے گفتگو کررہی ہے اور اس کے منہ میں گٹکا دیکھ کر ایک زور کا ہاتھ مارتی ہے۔
یہی نہیں اس کے بعد وہ دلہا کی جانب دیکھتی ہے اور اسے بھی ایک ہاتھ جڑ دیتی ہے اس منظر میں دلہن کے چہرے پر غصے کے تاثرات بھی قابل دید ہیں۔
اس پر مزید ستم یہ کہ بے چارا دلہا مار کھانے کے بعد گٹکا تھوکنے کے لئے اٹھتا ہے تو وہاں موجود کچھ لڑکیاں اسے دیکھ کر ہنستی ہیں جس پر وہ سارا غصہ ان لڑکیوں پر اتار دیتا ہے۔
مذکورہ ویڈیو سوشل میڈیا پر خوب وائرل ہو گئی ہے اور لوگ دلہن کے اس ردعمل کو پسند کر رہے ہیں جبکہ کچھ صارفین اس تقریب کے موقع پر دولہا کے تمباکو کھانے کے فعل کی مذمت کر رہے ہیں۔
The post دلہن نے دولہا کی پٹائی کردی؟ دلچسپ ویڈیو وائرل appeared first on .
