شنیرا کا تنقید کرنے والی خاتون صارف کو کرارا جواب

سوئنگ کے سُلطان اور سابق کپتان وسیم اکرم کی اہلیہ شنیرا نے اُنہیں کئی سالوں سے تنقید کا نشانہ بنانے والی خاتون صارف کو کرارا جواب دے دیا۔

شنیرا اکرم نے فوٹو اینڈ ویڈیو شیئرنگ ایپ انسٹاگرام پر موجود اپنے تصدیق شدہ اکاؤنٹ پر ایک خصوصی اسٹوری شیئر کی۔

اُنہوں نے اپنی انسٹاگرام اسٹوری میں اپنی پوسٹ کے کمنٹ سیکشن کا اسکرین شاٹ شیئر کیا جس میں ایک خاتون صارف نے وسیم اکرم سے مخاطب ہوتے ہوئے لکھا تھا کہ کیا آپ نے اپنی اہلیہ کو اسلامی تعلیمات دی ہیں؟ کیونکہ انہوں نے تو عیسائی مذہب میں اپنی والدہ اور آنٹیوں کے ساتھ پرورش پائی ہے۔

خاتون صارف کے کمنٹ کا جواب دیتے ہوئے شنیرا نے کہا کہ مجھے آپ کی سوچ کی وجہ سے آپ کے لئے بہت برا لگ رہا ہے۔

شنیرا نے انکشاف کرتے ہوئے کہا کہ آپ مجھے گزشتہ کئی سالوں سے مختلف اکاؤنٹس کے ذریعے سوشل میڈیا پر تنقید کا نشانہ بنارہی ہیں۔

اُنہوں نے کہا کہ ایک ہی زندگی ملی ہے لہٰذا اس میں دوسروں کو تکلیف دینے کے بجائے اپنی زندگی گُزاریں۔

واضح رہے کہ اس سے قبل سوشل میڈیا پر ایک صارف نے وسیم اکرم کو کرپٹ کہا تھا۔

صارف کو جواب دیتے ہوئے شنیرا نے کہا تھا کہ آپ کی ہمت کتنی ہے کہ آپ ہماری زندگیوں پر جھوٹے تبصرے کر رہے ہو۔

اُنہوں نے کہا تھا کہ میں آپ کو موقع دیتی ہوں کہ یہ بات آپ میرے منہ، میرے سامنے کھڑے ہوکر بولیں۔

The post شنیرا کا تنقید کرنے والی خاتون صارف کو کرارا جواب appeared first on .