ابرار الحق کا آج کل کی ماؤں پر دلچسپ تبصرہ

معروف گلوکار اور پاکستان تحریک انصاف کے رہنما ابرار الحق نے آج کے دور کی ماؤں پر تربیت کے حوالے سے دلچسپ تبصرہ کردیا۔

سوشل میڈیا پر گلوکار ابرارالحق کا ایک ویڈیو کلپ وائرل ہوگیا ہے جس میں وہ اسلام آباد میں ایک تقریب سے خطاب کرتے ہوئے نظر آرہے ہیں۔

ابرارالحق نے کہا کہ جب ہم چھوٹے تھے تو اُس وقت کی مائیں بچوں کو گود میں لیکر اُنہیں کلمہ سُنا کر اور اللّہ تعالیٰ کا نام سُنا کر سُلایا کرتی تھیں اور بچے فوراً سے سو بھی جاتے تھے۔

انہوں نے موجودہ دور کی ماؤں پر تبصرہ کرتے ہوئے کہا کہ آج کل کی مائیں اپنے بچوں کو گود میں لیتی ہیں اُنہیں موبائل فونز تھما دیتی ہیں جن پر دُعاؤں کے بجائے بے بی شارک چل رہا ہوتا ہے۔

گلوکار کے اس دلچسپ تبصرے پر تقریب میں موجود تمام شرکاء زور زور سے قہقہے لگانے لگے۔

دوسری جانب سوشل میڈیا کے مختلف پلیٹ فارمز پر ابرارالحق کی یہ ویڈیو تیزی سے وائرل ہوگئی ہے جہاں سوشل میڈیا صارفین کی جانب سے اُن کے بیان پر اتفاق کیا جارہا ہے۔

The post ابرار الحق کا آج کل کی ماؤں پر دلچسپ تبصرہ appeared first on .