ہنی سنگھ کے مداحوں کیلئے بڑی خوشخبری

اہلیہ کے الزامات کا جواب دینے کے کافی دنوں بعد اب بھارت گلوکار ہنی سنگھ کی مداحوں کے لئے پہلی پوسٹ منظر عام پر آگئی۔

انسٹاگرام پر شیئر کی گئی اپنی اس پوسٹ میں ہنی سنگھ نے کہا کہ وہ اپنا نیا گانا کانٹا لگا ریلیز کرنے جارہے ہیں۔

انہوں نے ساتھ میں یہ بھی بتایا کہ وہ اس گانے کے لئے ککڑ بہن بھائیوں، نیہا ککڑ اور ٹونی ککڑ کے ساتھ مل کر کام کر رہے ہیں۔

ہنی سنگھ کا کہنا تھا کہ اس گانے کو ٹونی ککڑ نے لکھا اور اسے ترتیب بھی دیا ہے۔

معروف گلوکار نے مداحوں کو بتایا کہ وہ اس سال کے سب سے بڑے مشترکہ گانے کے لئے تیار ہوجائیں۔

خیال رہے کہ ہنی سنگھ اس وقت اپنی نجی زندگی میں پیدا ہونے والے مسائل کی وجہ سے سوشل میڈیا سے دور تھے۔

انہوں نے آخری مرتبہ سوشل میڈیا پر اپنی اہلیہ کی جانب سے لگائے گئے جنسی ہراسانی کے الزامات کا جواب دیا تھا جبکہ اس کے بعد سے وہ منظر عام سے غائب تھے۔

The post ہنی سنگھ کے مداحوں کیلئے بڑی خوشخبری appeared first on .