میری بیٹی کے خون میں کرکٹ ہے، شنیرا اکرم

سوئنگ کے سلطان وسیم اکرم کی اہلیہ شنیرا نے کہا ہے کہ اُن کی بیٹی کے خون میں کرکٹ کا جنون ہے۔

گزشتہ روز وسیم اکرم نے اپنے تصدیق شدہ ٹوئٹر اکاؤنٹ پر اپنی بیٹی عائلہ کی تصویر شیئر کی تھی جس میں ان کی بیٹی عائلہ نے کِٹ پہنی ہوئی تھی اور وہ کرکٹ کھیلنے کے لئے بہت پُرجوش تھی۔

وسیم اکرم نے اپنے ٹوئٹ میں لکھا تھا کہ عائلہ اپنے والد کے ساتھ کرکٹ کھیلنے کے لئے بےحد پُرجوش ہے۔

شنیرا نے وسیم اکرم کے ٹوئٹ پر ردّعمل دیتے ہوئے کہا کہ کرکٹ عائلہ کے نام کے ساتھ جُڑی ہے، عائلہ کے خون میں ہے۔

شنیرا نے لکھا کہ آئیے دیکھتے ہیں کرکٹ کا جادو عائلہ کی رگوں میں چلتا ہے یا نہیں۔

It’s in her name, it’s in her blood, let’s see if the magic runs through her veins! https://t.co/jGWcBuX7nO

— Shaniera Akram (@iamShaniera) August 25, 2021

واضح رہے کہ قومی کرکٹ ٹیم کے سابق لیجنڈری کرکٹر وسیم اکرم اہلیہ شنیرا اکرم اور بیٹی عائلہ سے طویل مدت بعد ملنے کے لئے گزشتہ روز ہی میلبورن پہنچے ہیں۔

گزشتہ برس سے شنیرا بیٹی کے ہمراہ کورونا وباء کے باعث سفری پابندیوں کے باعث آسٹریلیا میں ہی پھنسی ہوئی ہیں۔

The post میری بیٹی کے خون میں کرکٹ ہے، شنیرا اکرم appeared first on .