گھر میں عجیب و غریب مخلوق ،اہل خانہ خوف میں مبتلا

کنکھوجورا تقریباً ہر گھر میں ہی دیکھا گیا ہوگا لیکن اگر آپ کے کمرے میں 2 فٹ لمبا کنکھجورا نکل آئے تو آپ کیا کریں گے؟

جاپان کے رہائشی نے سوشل میڈیا ویب سائٹ ریڈٹ پر اپنے گھر میں نکلنے والے کنکھجورے کی تصویر شیئر کی جسے دیکھ کر صارفین بھی شدید خوف میں مبتلا ہوگئے۔

تصویر میں نظر آرہا ہے کہ کنکھجورا اپنی عام جسامت سے بہت زیادہ بڑا ہے اور کھڑکی کے اوپری حصے پر رینگ رہا ہے۔

صارف نے کمنٹ میں بتایا کہ اس طویل القامت کنکھجورے کی رفتار 1.3 فٹ فی سیکنڈ تھی۔

واضح رہے کہ کنکھجورا جسے ڈس لے اس کے جسم میں زہر پھیل جاتا ہے اور تکلیف بھی بہت زیادہ ہوتی ہے، اور اس کے ڈسنے سے متاثرہ شخص کو سانس لینے میں دشواری کا سامنا کرنا پڑسکتا ہے جبکہ دل کی تکلیف اور دماغ میں زہر بھرنے کے مسائل بھی پیش آسکتے ہیں۔

ماہرین کا کہنا ہے کہ دنیا بھر میں کنکھجورے کی 8 ہزار اقسام پائی جاتی ہیں لیکن ابھی تک صرف 3 ہزار اقسام کا ہی پتہ لگایا جاسکا ہے۔

ماہرین کا کہنا ہے کہ کنکھجورے برساتی جنگلات میں بھی پائے گئے حتیٰ کہ صحرا اور دیگر جگہوں پر بھی کنکھجورے کی قسمیں پائی گئیں۔

The post گھر میں عجیب و غریب مخلوق ،اہل خانہ خوف میں مبتلا appeared first on .